റാഫേൽ നദാലിന് പരിക്കേറ്റ ഇടതുഭാഗത്തെ ഹിപ് ഫ്ലെക്സറിന് ആർത്രോസ്കോപ്പിക് ശസ്ത്രക്രിയ നടത്തി. ശസ്ത്രക്രിയ വിജയകരമായി പൂർത്തിയായി. 2005-ൽ അരങ്ങേറിയ ശേഷം ആദ്യമായാണ് ഫ്രഞ്ച് ഓപ്പൺ നദാലിന് നഷ്ടമാകുന്നത്. ബാഴ്സലോണയിൽ വെച്ചാണ് ശസ്ത്രക്രിയ നടത്തിയത്.
ഓസ്ട്രേലിയൻ ഓപ്പണിലെ രണ്ടാം റൗണ്ടിൽ ആയിരുന്നു അവസാനം നദാൽ കളിച്ചത്. പരിക്കേറ്റതിനെ തുടർന്ന് ജനുവരി മുതൽ
അദ്ദേഹം പുറത്താണ്. 14 തവണ ഫ്രഞ്ച് ഓപ്പൺ ചാമ്പ്യനായിട്ടുള്ള താരമാണ് നദാൽ. അടുത്ത വർഷത്തോടെ വിരമിക്കും എന്ന് പറഞ്ഞ നദാലിന്റെ തിരിച്ചുവരവിനായി കാത്തിരിക്കുകയാണ് ഇപ്പോൾ ആരാധകർ.