ഇന്റർനാഷണൽ ടെന്നീസ് ഫെല്ലോഷിപ്പ് ഓഫ് റോട്ടറിയന്സിന്റെ ഓസ്ട്രേലിയയിൽ വച്ച് നടത്തിയ ടെന്നീസ് ചാമ്പ്യൻഷിപ്പിൽ വിജയികളായ ഷിനു ഗോപാലിനും പ്രകാശ് അസ്വാനിക്കും മാസ്റ്റേഴ്സ് ഗെയിംസ് കമ്മിറ്റിയുടെ ആഭിമുഖ്യത്തിൽ സ്വീകരണം നൽകി. ആദ്യമായാണ് ഒരു ഇന്ത്യൻ കൂട്ടുകെട്ട് ഈ ടൂർണമെന്റ് വിജയിക്കുന്നത്. ഓസ്ട്രേലിയൻ ഓപ്പൺ ടൂർണമെന്റ് നടക്കുന്ന മെൽബൺ പാർക്ക് വേദിയിൽ വച്ച് കഴിഞ്ഞ മാസം നടന്ന ടൂർണമെന്റിലാണ് എറണാകുളത്ത് നിന്നുള്ള ഈ ടീം വിജയികളായത്.
സാന്റാമോണിക്ക ക്രൂയിസിൽ വച്ച് നടന്ന ചടങ്ങിൽ ദക്ഷിണ കൊറിയയിൽ വച്ച് നടന്ന മാസ്റ്റേഴ്സ് ടെന്നീസ് ഗെയിംസിൽ പങ്കെടുത്ത കേരളത്തിലെ ടെന്നീസ് കളിക്കാരെയും അനുമോദിച്ചു. മാസ്റ്റേഴ്സ് ഗെയിംസ് ഫെഡറേഷൻ നാഷണൽ ജോയിന്റ് സെക്രട്ടറി പ്രശാന്ത് റാം, സീനിയർ വൈസ് പ്രസിഡന്റ് ഷിബു ഹോർമിസ്, എറണാകുളം ഡിസ്ട്രിക്ട് മാസ്റ്റേഴ്സ് സെക്രട്ടറി ഷൈജു എന്നിവർ ചടങ്ങിൽ പങ്കെടുത്തു.
