തായ്ലാന്റ് ഓപ്പൺ ഇന്ത്യൻ സഖ്യമായ ചിരാഗും സാത്വികും സ്വന്തമാക്കി. ബാങ്കോക്കിൽ നടന്ന ഫൈനലിൽ ഒരു ഗെയിം പോലും തോൽക്കാതെയാണ് ടോപ്പ് സീഡുകളായ സാത്വിക് സായ്രാജ് രങ്കിറെഡ്ഡിയും ചിരാഗ് ഷെട്ടിയും തങ്ങളുടെ രണ്ടാമത്തെ തായ്ലൻഡ് ഓപ്പൺ സൂപ്പർ 500 പുരുഷ ഡബിൾസ് കിരീടം സ്വന്തമാക്കിയത്.
2019-ൽ ആയിരുന്നു തങ്ങളുടെ ആദ്യ തായ്ലൻഡ് ഓപ്പൺ കിരീടം ഇവർ നേടിയത്. ഫൈനലിൽ ചൈനയുടെ ചെൻ ബോ യാങ്ങിനെയും ലിയു യിയെയും 21-15, 21-15 എന്ന സ്കോറിന് ആണ് പരാജയപ്പെടുത്തിയത്. വെറും 46 മിനിറ്റ് മാത്രമെ മത്സരം നീണ്ടു നിന്നുള്ളൂ. ഈ വിജയം ഇന്ത്യൻ സഖ്യത്തിൻ 9200 റാങ്കിംഗ് പോയിൻ്റുകൾ നൽകും. ഒപ്പം 27,63,306 രൂപ സമ്മാനമായും അവർക്ക് ലഭിക്കും.