പ്ലിമത്ത്, ഡിസംബർ 31: വെയ്ൻ റൂണി ചാമ്പ്യൻഷിപ്പ് ടീമായ പ്ലിമത്ത് ആർഗൈലുമായുള്ള ബന്ധം അവസാനിപ്പിച്ചു. പരസ്പര സമ്മതത്തോടെ വെയ്ൻ റൂണി പരിശീലക സ്ഥാനം ഒഴിഞ്ഞതായി ക്ലബ് അറിയിച്ചു. 39 കാരനായ മുൻ ഇംഗ്ലണ്ട് ക്യാപ്റ്റന് പ്ലിമത്തിനൊപ്പം ഉള്ള 23 മത്സരങ്ങളിൽ നിന്ന് നാല് ലീഗ് വിജയങ്ങൾ മാത്രമേ നേടാനായുള്ളൂ, അവർ ലീഗിൽ ഇപ്പോൾ അവസാന സ്ഥാനത്താണ്.
മുമ്പ് ബർമിംഗ്ഹാം സിറ്റിയിൽ നിന്നും റൂണി പുറത്താക്കപ്പെട്ടിരുന്നു. ഓക്സ്ഫോർഡ് യുണൈറ്റഡിനോട് 2-0 ന് തോറ്റതിനു പിന്നാലെയാണ് ഈ പ്രഖ്യാപനം. അവസാന ഒമ്പത് ഗെയിമുകളിലും പ്ലിമതിന് ജയിക്കാൻ ആയിരുന്നില്ല.