പാരീസ് സെന്റ് ജെർമെയ്ൻ മാർക്കോ വെറാറ്റിക്കായി വലിയ ഓഫർ നൽകി സൗദി അറേബ്യ. വർഷത്തിൽ 25 മില്യൺ യൂറോ അതായത് 220കോടി രൂപയ്ക്ക് മുകളിലാകും വെറാറ്റിയുടെ വേതനം. അൽ ഹിലാൽ ആണ് ഈ ഓഫർ സമർപിച്ചത് എന്നാണ് വിവരങ്ങൾ. എന്നാൽ ഇതുവരെ താരം ഈ ഓഫറിനോട് പ്രതികരിച്ചിട്ടില്ല. യൂറോപ്പിൽ തുടരാൻ ആഗ്രഹിക്കുന്നുണ്ട് എങ്കിലിം വെറാറ്റിയെ വിൽക്കാൻ ആണ് പി എസ് ജിയുടെ പ്ലാൻ.
ഈ സീസണോടെ വെറാറ്റിയെ ഒഴിവാക്കാൻ പി എസ് ജി നോക്കും എന്ന് റിപ്പോർട്ടുകൾ ഉണ്ടായിരുന്നു. മിഡ്ഫീൽഡർ 11 വർഷമായി ക്ലബ്ബിലുണ്ട് എങ്കിലും അവസാന സീസണുകളിലെ വെറാറ്റിയുടെ പ്രകടനങ്ങളിൽ ക്ലബ് തൃപ്തരല്ല. താരം വലിയ വേതനവും ക്ലബിൽ വാങ്ങുന്നുണ്ട്. വെറാറ്റിയെ പോലെ വലിയ വേതനം വാങ്ങുന്ന താരങ്ങളെ ഒഴിവാക്കാൻ ആണ് പി എസ് ജി ശ്രമിക്കുന്നത്.
വെറാറ്റിയുടെ ഫിറ്റ്നസും വലിയ പ്രശ്നമാണ്. താരം സമീപകാലത്ത് ഓവർവൈറ്റ് ആയത് വലിയ രീതിയിൽ വിമർശനം ക്ഷണിച്ചു വരുത്തിയിരുന്നു. കളത്തിന് പുറത്ത് അച്ചടക്കമില്ലാത്ത രീതിയിൽ ഉള്ള വെരട്ടിയുടെ പ്രവർത്തനങ്ങളും ക്ലബിന് തലവേദന ആകുന്നുണ്ട്. മുമ്പ് ആരാധകരുടെ പ്രിയ താരമായിരുന്ന വെറാട്ടി പക്ഷെ ഇപ്പോൾ ആരാധകരിൽ നിന്നും അകന്നു.