ഡെൽഹി എഫ് സിയുടെ യുവതാരം ഹിമാൻഷു ജാങ്ര ഇനി ഈസ്റ്റ് ബംഗാളിൽ. താരത്തെ ഒരു വർഷത്തെ ലോൺ കരാറിൽ ആണ് ഈസ്റ്റ് ബംഗാൾ സൈൻ ചെയ്യുന്നത്. കഴിഞ്ഞ സീസണിൽ ഹിമാൻഷു ഇന്ത്യൻ ആരോസിനായും ലോണിൽ കളിച്ചിരുന്നു.
ഇന്ത്യയെ പല ഏജ് ഗ്രൂപ്പുകളിലും പ്രധിനിധീകരിച്ചിട്ടുള്ള താരമാണ് ഹിമാൻഷു. 2021 തുടക്കത്തിൽ ആയിരുന്നു താരം ഡെൽഹിയിൽ എത്തിയത്. ഡെൽഹി എഫ് സിക്ക് ഒപ്പം സെക്കൻഡ് ഡിവിഷൻ കളിച്ച ഹിമാൻഷു പിന്നീട് രണ്ട് സീസണിലും ലോണിൽ പോവുകയായിരുന്നു. മിനേർവ പഞ്ചാബിലൂടെ വളർന്നു വന്ന താരം മുമ്പ് മൊഹമ്മദൻസിനായും കളിച്ചിട്ടുണ്ട്.