പുതിയ സീസൺ അഖിലേന്ത്യാ സെവൻസിൽ റോയൽ ട്രാവൽസ് കോഴിക്കോട് ആദ്യമായി പരാജയപ്പെട്ടു. ഇന്നലെ പിണങ്ങോട് സെവൻസിൽ നടന്ന മത്സരത്തിൽ ബെയ്സ് പെരുമ്പാവൂർ ആണ് റോയൽ ട്രാവൽസ് കോഴിക്കോടിനെ വീഴ്ത്തിയത്. പെനാൾട്ടി ഷൂട്ടൗട്ടിൽ ആയിരുന്നു ബെയ്സ് വിജയിച്ചത്. നിശ്ചിത സമയത്ത് 0-0 എന്നായിരുന്നു സ്കോർ. തുടർന്ന് മത്സരം പെനാൾട്ടിയിൽ എത്തിയപ്പോൾ ആണ് ബെയ്സ് വിജയം ഉറപ്പിച്ചത്. ബെയ്സിന്റെ തുടർച്ചയായ മൂന്നാം വിജയമാണിത്.