സന്തോഷ് ട്രോഫിയിൽ കേരളം വിജയം തുടർന്നു. ഇന്ന് ഗ്രൂപ്പിലെ മൂന്നാം മത്സരത്തിൽ പോണ്ടിച്ചേരിയെ നേരിട്ട കേരളം എതിരില്ലാത്താ 7 ഗോളുകൾക്ക് ആണ് വിജയിച്ചത്. അവസാന മത്സരത്തിൽ ലക്ഷദ്വീപിനെതിരെയും കേരളം ഗോൾ വർഷം നടത്തിയിരുന്നു.
ഇന്ന് നസീബും സജേഷും കേരളത്തിനായി ഇരട്ട ഗോളുകൾ നേടി. 14, 64 മിനുട്ടുകളിൽ ആയിരുന്നു നസീബിന്റെ ഗോളുകൾ. 20, 66 മിനുട്ടുകളിൽ ആയിരുന്നു സജേഷിന്റെ ഗോളുകൾ. ഗനി നിഗം, ക്രിസ്റ്റി, ഷിജിൻ എന്നിവർ ഒരോ ഗോൾ വീതവും കേരളത്തിനായി നേടി.
റെയില്വേ, ലക്ഷദ്വീപ്, പോണ്ടിച്ചേരി എന്നിവരെ തോൽപ്പിച്ചതോടെ കേരളം ഗ്രൂപ്പ് ചാമ്പ്യന്മാരായി ഫൈനൽ റൗണ്ടിലേക്ക് മുന്നേറി.