ഇന്നലെ എവർട്ടണോട് പരാജയപ്പെട്ടതോടെ മാഞ്ചസ്റ്റർ യുണൈറ്റഡിന്റെ ചാമ്പ്യൻസ് ലീഗ് സാധ്യത മങ്ങിയിരിക്കുകയാണ്. എന്നാൽ ഈ പ്രകടനം ആണ് യുണൈറ്റഡ് കാഴ്ചവെക്കുന്നത് എങ്കിൽ ചാമ്പ്യൻസ് ലീഗ് യോഗ്യത ഞങ്ങൾ അർഹിക്കുന്നില്ല എന്ന് അവരുറെ പരിശീലകൻ റാൾഫ് റാഗ്നിക്ക് പറഞ്ഞു.
ഞങ്ങൾ ഇവിടെ കളിച്ചത് പോലെ കളിക്കുകയാണെങ്കിൽ ഞങ്ങൾ ചാമ്പ്യൻസ് ലീഗ് യോഗ്യത അർഹിക്കുന്നില്ല, റാഗ്നിക്ക് പറഞ്ഞു. ചാമ്പ്യൻസ് ലീഗിൽ കളിക്കാൻ ആഗ്രഹിക്കുന്നു എങ്കിൽ കളിക്കാർ കൂടുതൽ കഷ്ടപ്പെടണം. ഇത്തരം മത്സരങ്ങളിൽ 95 മിനിറ്റിനുള്ളിൽ നിങ്ങൾക്ക് ഒരു ഗോൾ നേടാൻ എങ്കിലും ആകണം. അദ്ദേഹം പറഞ്ഞു.
ബേൺലിക്കെതിരെ മൂന്ന് ഗോളുകൾ വഴങ്ങിയ ടീമിനെതിരെ നിങ്ങൾ സ്കോർ ചെയ്തില്ലെങ്കിൽ പിന്നെ നിങ്ങൾക്ക് ഒന്നും പ്രതീക്ഷിക്കാനാവില്ല,” അദ്ദേഹം നിരാശയോടെ പറഞ്ഞു.