ഏറെ പ്രതീക്ഷയോടെ കാത്തിരിക്കുന്ന പ്രീമിയർ ലീഗ് പോരാട്ടത്തിൽ ഇന്ന് മാഞ്ചസ്റ്റർ യുണൈറ്റഡ് ആഴ്സണലിനെ നേരിടും. എമിറേറ്റ്സ് സ്റ്റേഡിയത്തിൽ വെച്ചാണ് മത്സരം. ആഴ്സണൽ വെസ്റ്റ് ഹാം യുണൈറ്റഡിനെ 5-2 നും യുണൈറ്റഡ് എവർട്ടനെ 4-0 നും തോൽപ്പിച്ച് തകർപ്പൻ ഫോമിലാണുള്ള്.
മൈക്കൽ അർട്ടെറ്റയ്ക്ക് കീഴിൽ ആഴ്സണൽ മിന്നുന്ന ഫോമിലാണ്, നിലവിൽ ഈ സീസണിൽ ഹോം ഗ്രൗണ്ടിൽ തോൽവി അറിയാത്ത മൂന്ന് പ്രീമിയർ ലീഗ് ടീമുകളിലൊന്നാണ് ആഴ്സണൽ. എമിറേറ്റ്സ് അതിൻ്റെ 500-ാമത് മത്സരത്തിന് ആതിഥേയത്വം വഹിക്കുന്നു എന്ന ചരിത്രപരമായ പ്രാധാന്യവും ഇന്നത്തെ മത്സരത്തിനുണ്ട്.
പുതിയ മാനേജർ റൂബൻ അമോറിമിൻ്റെ കീഴിൽ ഫോം കണ്ടെത്തിയ മാഞ്ചസ്റ്റർ യുണൈറ്റഡ് ആഴ്സണലിനെതിരെ എങ്ങനെ കളിക്കും എന്നതാകും ഏവരും ഉറ്റു നോക്കുന്നത്. ആഴ്സണലിനെതിരെ ഒരു പോസിറ്റീവ് റിസൾട്ട് നേടാൻ ആയാൽ മാഞ്ചസ്റ്റർ യുണൈറ്റഡിന് അത് വലിയ ആത്മവിശ്വാസം നൽകും.
യുണൈറ്റഡിൻ്റെ പ്രതിരോധത്തിൽ ഇന്ന് ലൂക്ക് ഷോ ഉണ്ടാകില്ല. പരിക്ക് കാരണം ലൂക്ക് ഷാ പുറത്തായി. സസ്പെൻഷൻ കാരണം മൈനൂ, ലിസാൻഡ്രോ മാർട്ടിനസ് എന്നിവരും സ്ക്വാഡിൽ ഇല്ല. ഇന്ന് രാത്രി 1.45നാണ് മത്സരം നടക്കുക. കളി തത്സമയം സ്റ്റാർ സ്പോർട്സിലും ഹോട്സ്റ്റാറിലും കാണാം.