ലയണൽ മെസ്സിയുടെയും ഇന്റർ മയാമിയുടെയും സീസൺ ഇന്ന് ആരംഭിച്ചു. ഇന്ന് പ്രീ സീസണിലെ ആദ്യ മത്സരത്തിൽ എൽ സാല്വദോറിനെ നേരിട്ട ഇന്റർ മയാമി സമനില വഴങ്ങി. ഗോൾ രഹിത സമനിലയിലാണ് കളി അവസാനിച്ചത്. ലൂയിസ് സുവാരസ് ഇന്ന് ഇന്റർ മയാമിക്ക് ആയി അരങ്ങേറ്റം നടത്തി. ലയണൽ മെസ്സി, ലൂയിസ് സുവാരസ്, ജോർദി ആൽബ, ബുസ്കെറ്റ്സ് എന്നീ മുൻ ബാഴ്സലോണ താരങ്ങൾ ഒരുമിച്ച് കളത്തിൽ ഇറങ്ങിയത് ഫുട്ബോൾ പ്രേമികൾക്ക് സന്തോഷം നൽകി.
കാര്യമായ അവസരങ്ങൾ ഇന്ന് ഇരു ടീമുകൾക്കും സൃഷ്ടിക്കാൻ ആയില്ല. ആദ്യ മത്സരമായതിന്റെ വേഗത കുറവ് ഇന്നത്തെ മത്സരത്തിന് ഉണ്ടായിരുന്നു. ലയണൽ മെസ്സിയും സുവാരസും ആദ്യ പകുതി മാത്രമെ കളിച്ചുള്ളൂ. ഇനി ഇന്റർ മയാമി ജനുവരി 22ആം തീയതി എഫ് സി ഡല്ലാസിനെ നേരിടും.