ലയണൽ മെസ്സിയുടെ ഇന്റർ മയാമിയും അവരുടെ എം എൽ എസ് സീസൺ നാളെ ആരംഭിക്കും. നാളെ ഇന്ത്യൻ സമയം പുലർച്ചെ 6.30ന് ഫ്ലോറിഡയിൽ വെച്ച് നടക്കുന്ന മത്സരത്തിൽ റിയൽ സാൾട്ട് ലേക്ക് ആണ് ഇന്റർ മയാമിയുടെ എതിരാളികൾ. പ്രീസീസണിൽ അത്ര നല്ല ഫലങ്ങൾ ആയിരുന്നില്ല ഇന്റർ മയാമിക്ക് ലഭിച്ചത്. കഴിഞ്ഞ സീസൺ അവസാനവും അവർക്ക് മോശമായിരുന്നു. ഈ സീസണിൽ പ്ലേ ഓഫിൽ കുറഞ്ഞത് ഒന്നും ഇന്റർ മയാമി ലക്ഷ്യമിടുന്നുണ്ടാവില്ല.
ലൂയിസ് സുവാരസിന്റെ വരവ് ഈ സീസണിൽ ഇന്റർ മയാമിക്ക് കരുത്തേകും. മെസ്സി, സുവാരസ്, ആൽബ, ബുസ്കറ്റ്സ് എന്നിവർ ഒരുമിച്ച് അത്ഭുതങ്ങൾ കാണിക്കുന്ന ഒരു സീസൺ ആകും ഇന്റർ മയാമി ഫാൻസും മെസ്സി ഫാൻസും സ്വപ്നം കാണുന്നത്. മെസ്സി പൂർണ്ണ ഫിറ്റ്നസിലേക്ക് മടങ്ങി വന്നിട്ടുണ്ട്. അതുകൊണ്ട് തന്നെ മെസ്സി ഗോളടിച്ച് ഫോമിലേക്ക് പെട്ടെന്ന് മടങ്ങിയെത്തും എന്ന് പ്രതീക്ഷിക്കപ്പെടുന്നു.