മാഞ്ചസ്റ്റർ യുണൈറ്റഡ് പരാഗ്വേൻ ക്ലബ്ബായ സെറോ പോർട്ടെനോയിൽ നിന്ന് യുവ പ്രതിരോധ താരം ഡീഗോ ലിയോണിനെ സ്വന്തമാക്കിയതായി സ്ഥിരീകരിച്ചു. രജിസ്ട്രേഷൻ നടപടികൾ പൂർത്തിയാകുന്ന മുറയ്ക്ക് കൈമാറ്റം നിലവിൽ വരും.
ഏപ്രിലിൽ 18 വയസ്സ് തികഞ്ഞ ലിയോൺ, പരാഗ്വേൻ ക്ലബ്ബിനായി 33 സീനിയർ മത്സരങ്ങളിൽ നിന്ന് 4 ഗോളുകൾ നേടിയിട്ടുണ്ട്.
പരാഗ്വേയുടെ യുവനിരയിൽ ശ്രദ്ധേയനായ ഇദ്ദേഹം, തന്റെ ഡൈനാമിക് പ്രകടനങ്ങളിലൂടെയും മുന്നേറ്റ നിരയിലേക്ക് നൽകുന്ന സംഭാവനകളിലൂടെയും നിരവധി യൂറോപ്യൻ ക്ലബ്ബുകളുടെ ശ്രദ്ധ നേടിയിരുന്നു. കഴിഞ്ഞ സീസണിൽ തന്നെ മാഞ്ചസ്റ്റർ യുണൈറ്റഡ് ലിയോണുമായി കരാർ ധാരണയിൽ എത്തിയിരുന്നു. ഈ ആഴ്ച താരം ടീമിനൊപ്പം പരിശീലനത്തിന് ചേരും.