ഒന്നാം ഡിവിഷൻ സ്പാനിഷ് ഫുട്ബോൾ ലീഗായ ലാ ലിഗയുടെ പുതിയ ഔദ്യോഗിക സംപ്രേക്ഷകരായി ഫാൻകോഡ് അഞ്ച് വർഷത്തെ കരാറിൽ ഒപ്പുവച്ചു. ഈ കരാർ ഉടൻ പ്രാബല്യത്തിൽ വരും. ഈ വാരാന്ത്യത്തിൽ നടക്കുന്ന റയൽ മാഡ്രിഡ് vs ബാഴ്സലോണ എൽ ക്ലാസിക്കോ ഉൾപ്പെടെ ഈ സീസണിലെ ശേഷിക്കുന്ന മത്സരങ്ങൾ ഫാൻകോഡ് സ്ട്രീം ചെയ്യും.
ഇതുവരെ ജിഎക്സ്ആർ (ഗ്ലോബൽ സ്പോർട്സ് റൈറ്റ്സ്) ആയിരുന്നു ഈ സീസണിൽ ലാ ലിഗ മത്സരങ്ങൾ സംപ്രേക്ഷണം ചെയ്തിരുന്നത്. ഫാൻകോഡ് വരുന്നതോടെ ലോകത്തിലെ ഏറ്റവും കൂടുതൽ ആളുകൾ കാണുന്ന ഫുട്ബോൾ ലീഗുകളിലൊന്ന് ഇന്ത്യൻ പ്രേക്ഷകർക്ക് മികച്ച രീതിയിൽ കാണാൻ ഇന്ത്യൻ ഫുട്ബോൾ ആരാധകർക്ക് ആകും. ജിഎക്സ്ആറിന്റെ ടെലിക്കാസ്റ്റ് ഏറെ വിമർശനങ്ങൾ ഏറ്റുവാങ്ങിയിരുന്നു.