മോഹൻ ബഗാന്റെ യുവ സ്ട്രൈക്കർ കിയാൻ നസീരിയെ സ്വന്തമാക്കാൻ ചെന്നൈയിൻ എഫ് സി ശ്രമിക്കുന്നു. താരം അടുത്ത സീസണിൽ ചെന്നൈയിനിൽ എത്തും എന്നാണ് റിപ്പോർട്ടുകൾ. ചെന്നൈയിൻ താരത്തിന് മൂന്ന് വർഷത്തെ കരാർ വാഗ്ദാനം ചെയ്തിട്ടുണ്ട്. നിലവിൽ നസീരിയുടെ മോഹൻ ബഗാനിലെ കരാർ ഈ സീസൺ അവസാനത്തോടെ തീരും.
23കാരനായ താരം കൂടുതൽ സമയം കളിക്കാൻ ആഗ്രഹിക്കുന്നത് കൊണ്ടാണ് ബഗാൻ വിടുന്നത്. ഈ സീസൺ ഐ എസ് എല്ലിൽ ആകെ 13 മത്സരങ്ങൾ മാത്രമെ താരം കളിച്ചുള്ളൂ. ഇതിൽ ഭൂരിഭാഗവും സബ്ബായാണ് കളിച്ചത്. ഒരു ഗോളും ഒരു അസിസ്റ്റും ഈ സീസണ കിയാൻ സംഭാവന ചെയ്തു. ഐ എസ് എല്ലിൽ ആകെ 42 മത്സരങ്ങൾ കളിച്ച താരം 4 ഗോളുകൾ നേടിയിട്ടുണ്ട്.
ഈസ്റ്റ് ബംഗാൾ ഇതിഹാസം ജംഷീദ് നസീരിയുടെ മകനാണ് കിയാൻ.