മാഞ്ചസ്റ്റർ സിറ്റിയുടെ ബ്രസീലിയൻ ഗോൾകീപ്പർ എഡേഴ്സൺ തുർക്കി ക്ലബ്ബായ ഫെനർബാഷെയിൽ ചേരും. ഇരു ക്ലബ്ബുകളും തമ്മിൽ കരാറിൽ എത്തിയതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. 13-14 മില്യൺ യൂറോയായിരിക്കും ട്രാൻസ്ഫർ തുക. താരത്തിന്റെ ഏജന്റ് ജോർജ് മെൻഡസും ഫെനർബാഷെ ഡയറക്ടർ ഡെവിൻ ഒസെകുമായി വ്യക്തിപരമായ കാര്യങ്ങളിലും ധാരണയായിട്ടുണ്ട്.
പെപ് ഗ്വാർഡിയോളക്ക് കീഴിൽ എട്ട് സീസണുകളോളം മാഞ്ചസ്റ്റർ സിറ്റിയുടെ പ്രധാന ഗോൾകീപ്പറായിരുന്നു എഡേഴ്സൺ. താരത്തിന്റെ ഈ മാറ്റത്തോടെ സിറ്റിക്ക് പുതിയ നമ്പർ വണ്ണിനായുള്ള അന്വേഷണത്തിന്റെ ഭാഗമാണ്. പിഎസ്ജിയുടെ ഗോൾകീപ്പർ ജിയാൻല്യൂജി ഡൊണാറുമ്മയുമായി മാഞ്ചസ്റ്റർ സിറ്റിക്ക് ധാരണയായതായി സൂചനയുണ്ട്. എഡേഴ്സന്റെ കൈമാറ്റം പൂർത്തിയായാൽ ഡൊണാറുമ്മയെ ടീമിലെത്തിക്കാൻ സിറ്റിക്ക് കഴിയും.