സമനില വഴങ്ങിയെങ്കിലും റയൽ മാഡ്രിഡ് യുവേഫ ചാമ്പ്യൻസ് ലീഗ് ക്വാർട്ടർ ഫൈനലിലേക്ക് കടന്നു. ഇന്ന് റയൽ മാഡ്രിഡിന്റെ ഹോം ഗ്രൗണ്ടിൽ നടന്ന മത്സരത്തിൽ 1-1എന്ന സമനിലയാണ് റയൽ മാഡ്രിഡ് വഴങ്ങിയത്. എന്നാൽ ആദ്യ പാദത്തിൽ ലെപ്സിഗിന്റെ ഹോം ഗ്രൗണ്ടിൽ വെച്ച് നേടിയ 1-0 എന്ന വിജയം റയലിന് തുണയായി.
അവർ 2-1 എന്ന ആക്രിഗേറ്റ് സ്കോറിലാണ് ക്വാർട്ടർ ഫൈനൽ ഉറപ്പിച്ചത്. ഇന്ന് അത്ര മികച്ച ഫുട്ബോൾ ആയിരുന്നില്ല റയൽ മാഡ്രിഡിൽ നിന്ന് കണ്ടത്. ആദ്യ പകുതിയിൽ ഗോൾ ഒന്നും ആരും നേടിയില്ല. രണ്ടാം പകുതിയിൽ 65ആം മിനുട്ടിൽ വിനീഷ്യസ് ജൂനിയർ ആണ് റയൽ മാഡ്രിഡിന് ലീഡ് നൽകിയത്. ജൂഡ് ബെല്ലിങ്ഹാമിന്റെ അസിസ്റ്റിൽ നിന്നായിരുന്നു വിനേഷ്യസ് ജൂനിയറിന്റെ ഗോൾ. ഈ ഗോളിന് പെട്ടെന്ന് തന്നെ മറുപടി നൽകാൻ ലെപ്സിഗിനായി.
മൂന്നു മിനിറ്റിനകം ലൈപ്സിഗ് ഓർബാനിലൂടെ സമനില നേടി. എങ്കിലും അധികം സമ്മർദ്ദത്തിൽ പെടാതെ റയൽ മാഡ്രിഡ് സമനിലയിൽ കളി ഫിനിഷ് ചെയ്തു അടുത്ത റൗണ്ടിലേക്ക് കടന്നു.