ചാമ്പ്യൻസ് ലീഗ് പ്രീക്വാർട്ടറിൽ മാഡ്രിഡ് ഡർബി, ലിവർപൂളിന് പിഎസ്ജി.. ഫിക്സ്ചർ അറിയാം

യുവേഫ ചാമ്പ്യൻസ് ലീഗ് പ്രീക്വാർട്ടർ മത്സരങ്ങളുടെ ഡ്രോ കഴിഞ്ഞു. ലിവർപൂൾ പാരീസ് സെന്റ് ജെർമെയ്നിനെ ആകും അടുത്ത റൗണ്ടിൽ നേരിടുക. ഇരു ടീമുകളും അവസാനമായി ഏറ്റുമുട്ടിയത് 2018-19 ഗ്രൂപ്പ് ഘട്ടത്തിലാണ്, ലിവർപൂൾ ആ സീസണിൽ ചാമ്പ്യൻസ് ലീഗ് കിരീടത്തിലേക്ക് എത്തിയിരുന്നു.

മറ്റൊരു ആവേശകരമായ മത്സരത്തിൽ റയൽ മാഡ്രിഡ് അവരുടെ ചിരവൈരികളായ അത്ലറ്റിക്കോ മാഡ്രിഡിനെ നേരിടും. പി.എസ്.വി. ഐന്തോവനെയാണ് ആഴ്സണൽ നേരിടുക‌. ആസ്റ്റൺ വില്ല ക്ലബ് ബ്രൂഗിനെ നേരിടും. ലിവർപൂൾ-പി.എസ്.ജി. മത്സരത്തിലെ വിജയികൾ ക്വാർട്ടർ ഫൈനലിൽ വില്ലയെയോ ബ്രൂഗിനെയോ നേരിടും. ആഴ്സണൽ ജയിച്ചാൽ റയൽ മാഡ്രിഡിനെയോ അത്ലറ്റിക്കോ മാഡ്രിഡിനെയോ നേരിടും.

ബയേൺ മ്യൂണിക്ക് ജർമ്മൻ ടീമായ ബയേർ ലെവർകുസനെയും ഫെയ്‌നൂർഡ് ഇന്റർ മിലാനെയും, ബൊറൂസിയ ഡോർട്ട്മുണ്ട് ലില്ലെയെയും, ബെൻഫിക്ക ബാഴ്‌സലോണയെയും നേരിടും.

മാർച്ച് 4-5 നും മാർച്ച് 11-12 നും മത്സരങ്ങൾ നടക്കും.

Last-16 draw in full

Paris St-Germain v Liverpool

Real Madrid v Atletico Madrid

Feyenoord v Inter Milan

Borussia Dortmund v Lille

Club Brugge v Aston Villa

PSV Eindhoven v Arsenal

Bayern Munich v Bayer Leverkusen

Benfica v Barcelona