ബയേൺ മ്യൂണിച്ച് താരം ലെവൻഡോസ്കി ശസ്ത്രക്രിയക്ക് വിധേയനാകും. താരം കുറച്ചു കാലമായി നേരിടുന്ന ഗ്രോയിൻ ഇഞ്ച്വറിയിൽ നിന്ന് സുഖം പ്രാപിക്കാൻ ആണ് ലെവൻഡോസ്കി ശസ്ത്രക്രിയ നേരിടുന്നത്. ഇന്മ് വോൾവ്സ്ബർഗിനെതിരായി നടക്കുന്ന മത്സരത്തിനു ശേഷം ആകും താരം ശസ്ത്രക്രിയ നേരിടുക.
ബയേണിന്റെ ഈ വർഷത്തെ അവസാനത്തെ മത്സരമാണിത്. ഈ ശസ്ത്രക്രിയ കഴിഞ്ഞ് രണ്ടാഴ്ച എങ്കിലും വിശ്രമം വേണ്ടിവരും. സീസണിലെ ഈ ഇടവേള സമയത്ത് ശസ്ത്രക്രിയ നടത്തിയാൽ അധികം മത്സരങ്ങൾ നഷ്ടമാകില്ല എന്നതാണ് ഇപ്പോൾ ശസ്ത്രക്രിയക്ക് താരം തയ്യാറാകാൻ കാരണം. ഈ സീസണിൽ ബുണ്ടസ്ലീഗയിൽ 19 ഗോളടിച്ച് ലീഗിലെ ടോപ് സ്കോറർ ആണ് ലെവൻഡോസ്കി. ചാമ്പ്യൻസ് ലീഗിലും ലെവൻഡോസ്കി തന്നെയാണ് ടോപ്പ് സ്കോറർ.