എക്സ്ട്രാ ടൈമിൽ മെക്സിക്കോയെ പരാജയപ്പെടുത്തി ഗോൾഡ് കപ്പ് കിരീടം സ്വന്തമാക്കി അമേരിക്ക. ഏകപക്ഷീയമായ ഒരു ഗോളിനായിരുന്നു അമേരിക്കയുടെ ജയം. എക്സ്ട്രാ ടൈമിന്റെ 117മത്തെ മിനുറ്റിൽ മിൽസ് റോബിൻസൺ ആണ് മത്സരത്തിൽ അമേരിക്കയുടെ വിജയം ഗോൾ നേടിയത്. 2017ന് ശേഷം തങ്ങളുടെ ആദ്യ ഗോൾഡ് കപ്പ് കിരീടം നേടാനും അമേരിക്കക്കായി.
ഇരു ടീമുകൾക്കും നിരവധി അവസരങ്ങൾ ലഭിച്ച മത്സരത്തിൽ എക്സ്ട്രാ ടൈമിലെ ഗോളിലാണ് മത്സരത്തിന്റെ വിധി നിർണയിക്കപ്പെട്ടത്. കഴിഞ്ഞ ജൂൺ മാസത്തിൽ മെക്സിക്കോയെ പരാജയപ്പെടുത്തി അമേരിക്ക നേഷൻസ് ലീഗ് കിരീടവും സ്വന്തമാക്കിയിരുന്നു. എന്നാൽ അന്ന് ഇറങ്ങിയ ടീമിൽ നിന്ന് വ്യത്യസ്തമായി രണ്ടാം നിര ടീമുമായാണ് അമേരിക്ക മെക്സിക്കോയെ നേരിടാനായി ഇറക്കിയത്.