ഇന്ന് നെതർലന്റ്സിനോടു കൂടെ പരാജയപ്പെട്ടതോടെ ഖത്തറിന്റെ ആദ്യ ലോകകപ്പ് യാത്ര അവസാനിച്ചു. ഇന്ന് 2-0ന്റെ പരാജയം ആണ് ഖത്തർ നേരിട്ടത്. ഇതോടെ ഗ്രൂപ്പ് ഘട്ടത്തിലെ മൂന്ന് മത്സരങ്ങളും പരാജയപ്പെടുന്ന ആദ്യ ആതിഥേയരായി ഖത്തർ മാറി. ഫുട്ബോൾ ലോകകപ്പിന്റെ ചരിത്രത്തിൽ ഒരു ടീമും ഗ്രൂപ്പ് റൗണ്ടിലെ മൂന്ന് മത്സരങ്ങളും പരാജയപ്പെട്ടിട്ടില്ല. ഈ മോശം റെക്കോർഡും ഖത്തർ ലോകകപ്പിന്റെ ഓർമ്മയായി ബാക്കിയാകും.
ഗ്രൂപ്പ് ഘട്ടത്തിലെ ആദ്യ മത്സരത്തിൽ ഖത്തർ ഇക്വഡോറിനോട് 2-0ന്റെ പരാജയം ഏറ്റുവാങ്ങിയിരുന്നും രണ്ടാം മത്സരത്തിൽ അവർ സെനഗലിനോട് 3-1നും പരാജയപ്പെട്ടു. സെനഗലിന് എതിരായ മത്സരത്തിൽ തങ്ങളുടെ ലോകകപ്പ് ചരിത്രത്തിലെ ആദ്യ ഗോൾ സ്കോർ ചെയ്യാൻ ആയതാണ് ഖത്തറിന്റെ ഏക ആശ്വാസം. കഴിഞ്ഞ ഏഷ്യൻ കപ്പിൽ ഖത്തർ പുറത്തെടുത്ത പോലൊരു നല്ല പ്രകടനം ലോകകപ്പിൽ ഖത്തറിൽ നിന്ന് കാണാൻ ആയില്ല എന്നതാണ് സത്യം.