യുഎസ് ഓപ്പൺ 2022 ലെ നാലാം റൗണ്ടിൽ നടന്ന വാശിയേറിയ പോരാട്ടത്തിൽ മാരിൻ സിലിച്ചിനെ മറികടന്ന് ലോക മൂന്നാം നമ്പർ താരം കാർലോസ് അൽകാരസ് ക്വാർട്ടർ ഫൈനലിലേക്ക് കടന്നു. 6-3, 4-6, 6-4, 3-6 എന്ന സ്കോറിനാണ് താരം ഇന്ന് വിജയിച്ചത്.
സിലിച് പരാജയപ്പെട്ടതോടെ യു എസ് ഓപ്പണിൽ ഇത്തവണ ഒരു പുതിയ ചാമ്പ്യൻ പിറക്കും എന്ന് ഉറപ്പായി. സിലിച് ആയിരുന്നു ടൂർണമെന്റിൽ ശേഷിച്ചിരുന്ന ഒരേയൊരു ചാമ്പ്യൻ. 2014-ലെ ചാമ്പ്യൻ ആയിരുന്നു അദ്ദേഹം.
യുഎസ് ഓപ്പണിൽ അൽകരസ് തുടർച്ചയായ രണ്ടാം തവണയാണ് ക്വാർട്ടർ ഫൈനലിൽ എത്തുന്നത്. 11-ാം സീഡ് ആയ ഇറ്റലിയുടെ ജാനിക് സിന്നർ ആകും അൽകാരസിന്റെ ക്വാർട്ടർ ഫൈനലിലെ എതിരാളി.