ടി ട്വന്റി ലോകകപ്പിൽ നെതർലൻസിനെ തോൽപ്പിച്ച് ബംഗ്ലാദേശ് സൂപ്പർ 8 ഉറപ്പിക്കുന്നതിന് അടുത്തെത്തി. ഇന്ന് നെതർലാൻസിന് എതിരെ 18 റൺസിന്റെ വിജയമാണ് ബംഗ്ലാദേശ് നേടിയത്. ബംഗ്ലാദേശ് ഉയർത്തിയ 160 എന്ന വിജയലക്ഷ്യം പിന്തുടർന്ന് നെതർലാൻസിന് 134 റൺസ് എടുക്കാൻ മാത്രമേ ആയുള്ളൂ. 33 റൺസ് എടുത്ത് എംഗൽബ്രെച് ആണ് നെതർലാൻസിനായി ടോപ് സ്കോറർ ആയത്. ബംഗ്ലാദേശിനായി റിഷാദ് ഹുസൈൻ മൂന്നു വിക്കറ്റുകൾ നേടി.
ഇന്ന് ആദ്യം ബാറ്റ് ചെയ്ത ബംഗ്ലാദേശ് ഷാക്കിബ് അൽ ഹസന്റെ മികവിൽ ആണ് 159 റൺസ് എടുത്തത്. ഷാക്കിബ് 46 പന്തിൽ 64 റൺസ് എടുത്തു. മഹ്മുദുള്ള 25 റൺസും തൻസിദ് ഹസൻ 35 റൺസും നേടി. ഈ വിജയത്തോടെ ബംഗ്ലാദേശിന് നാല് പോയിന്റായി.