യുവതാരം ഉമ്രാൻ മാലിക് തന്റെ ലൈനിനെയും ലെങ്തിനെയും കുറിച്ച് ആകുലപ്പെടേണ്ടതില്ലെന്നും തനിക്ക് എത്ര വേഗത്തിൽ പന്തെറിയാൻ കഴിയുമെന്നതിൽ മാത്രം ശ്രദ്ധ കേന്ദ്രീകരിക്കണമെന്നും ഇന്ത്യൻ പേസർ ഇഷാന്ത് ശർമ്മ. പന്ത് എവിടെ എത്തുമെന്നതിനെക്കുറിച്ച് അയാൾ വിഷമിക്കേണ്ടതില്ല. അനുഭവം കൊണ്ട് അവന് ലൈനും ലെങ്തും എല്ലാം മനസ്സിലാക്കും. അതിനാൽ ഇപ്പോൾ 150-ലോ 160-ലോ പന്തെറിയാൻ കഴിയുമെങ്കിൽ അതിൽ മാത്രം ശ്രദ്ധ കേന്ദ്രീകരിക്കണം. ഇഷാന്ത് പറഞ്ഞു.
അവൻ റൺസ് ചോർന്നതിനെ കുറിച്ചും വിഷമിക്കേണ്ടതില്ല. ബാറ്റർമാർ ഭയന്ന് കണ്ണുകൾ അടയ്ക്കുന്ന രീതിയിൽ പന്തെറിയണം. അതിനാകിന്നില്ല എങ്കിൽ ഇത്ര വേഗത്തിൽ പന്തെറിയുന്നതിന്റെ പ്രയോജനം എന്താണ്? ഇഷാന്ത് ക്രിക്ക്ബസിനോട് സംസാരിക്കവെ പറഞ്ഞു.