അണ്ടർ 19 ഏഷ്യാ കപ്പിൽ ഇന്ന് പാകിസ്താനെ നേരിടുന്ന ഇന്ത്യ ആദ്യം ബാറ്റു ചെയ്ത് 259 റൺസ് എടുത്തു. 50 ഓവറിൽ നിന്ന് 259/9 എന്ന സ്കോറാണ് ഇന്ത്യ നേടിയത്. 62 റൺസ് എടുത്ത ആദർശ് സിംഗ് ഇന്ത്യയുടെ ടോപ് സ്കോറർ ആയി. ക്യാപ്റ്റൻ ഉദയ് ശരൺ 60 റൺസും എടുത്തു.
അവസാനം 42 പന്തിൽ നിന്ന് 58 റൺസ് എടുത്ത സച്ചിൻ ദാസ് ആണ് ഇന്ത്യയെ ഭേദപ്പെട്ട ടോട്ടലിൽ എത്തിച്ചത്. 3 സിക്സും 2 ഫോറും അടങ്ങുന്നതായിരുന്നു സച്ചിന്റെ ഇന്നിംഗ്സ്.
പാകിസ്താനായി മുഹമ്മദ് സീഷാൻ നാലു വിക്കറ്റ് നേടി. അമീർ ഹസനും ഉബൈദ് ഷായും 2 വിക്കറ്റ് വീതവും വീഴ്ത്തി.