ഡൽഹി ക്യാപിറ്റൽസിന് തിരിച്ചടി. അവരുടെ പേസ് ബൗളർ മിച്ചൽ സ്റ്റാർക്ക് ഐപിഎൽ പുനരാരംഭിച്ചാലും ഇന്ത്യയിലേക്ക് മടങ്ങിയെത്തില്ല. സ്റ്റാർക്ക്, പാറ്റ് കമ്മിൻസ്, ട്രാവിസ് ഹെഡ് തുടങ്ങിയ മറ്റ് പ്രമുഖ ഓസ്ട്രേലിയൻ കളിക്കാരും ഓസ്ട്രേലിയയിലേക്ക് മടങ്ങിയിട്ടുണ്ട്. ഇവരാരും തിരികെ വരാൻ സാധ്യതയില്ല.
ഐപിഎല്ലിൻ്റെ ശേഷിക്കുന്ന മത്സരങ്ങളിൽ സ്റ്റാർ ഉണ്ടാകില്ല എന്ന് അദ്ദേഹത്തിൻ്റെ മാനേജർ സൂചന നൽകി.
തിരികെ വരാൻ താൽപ്പര്യമില്ലാത്ത കളിക്കാരെ ക്രിക്കറ്റ് ഓസ്ട്രേലിയ പിന്തുണയ്ക്കുമെന്ന് അറിയിച്ചിട്ടുണ്ട്. സൺറൈസേഴ്സ് ഹൈദരാബാദ് ഇതിനോടകം പ്ലേ ഓഫ് സാധ്യതകളിൽ നിന്ന് പുറത്തായതിനാൽ, കമ്മിൻസും ഹെഡും ജൂൺ 11 ന് ലോർഡ്സിൽ ആരംഭിക്കുന്ന ലോക ടെസ്റ്റ് ചാമ്പ്യൻഷിപ്പ് ഫൈനലിനുള്ള തയ്യാറെടുപ്പുകളിൽ ശ്രദ്ധ കേന്ദ്രീകരിച്ചേക്കാം.