ദക്ഷിണാഫ്രിക്കയ്ക്കെതിരായ മൂന്ന് മത്സരങ്ങളുടെ ഏകദിന പരമ്പരയിൽ ഇന്ത്യൻ യുവതാരങ്ങൾക്ക് മേലെ സമ്മർദ്ദം ചെലുത്തില്ല എന്ന് രാഹുൽ. വിരാട് കോഹ്ലിയുടെയും രോഹിത് ശർമ്മയുടെയും റോളുകൾ അവർ ഇപ്പോഴേ കളിക്കുമെന്ന് പ്രതീക്ഷിക്കില്ലെന്നും ക്യാപ്റ്റൻ കെഎൽ രാഹുൽ പറഞ്ഞു.
രോഹിത്, കോഹ്ലി, ശുഭ്മാൻ ഗിൽ തുടങ്ങിയ പരിചയസമ്പന്നരായ താരങ്ങളുടെ അഭാവത്തിൽ റുതുരാജ് ഗെയ്ക്വാദ്, തിലക് വർമ്മ, രജത് പതിദാർ, സായ് സുദർശൻ തുടങ്ങിയവരാണ് ഇന്ത്യക്ക് ആയി ഈ ഏകദിനത്തിൽ കളത്തിലിറങ്ങുന്നത്.പുതുമുഖങ്ങൾക്ക് അന്താരാഷ്ട്ര തലത്തിൽ തഴച്ചുവളരാൻ സമയം നൽകേണ്ടതുണ്ടെന്ന് രോഹിതിന്റെ അഭാവത്തിൽ പരമ്പരയുടെ ക്യാപ്റ്റനായ രാഹുൽ പറഞ്ഞു.
“ഞങ്ങൾ ഏകദിന ക്രിക്കറ്റ് കളിക്കാൻ ആഗ്രഹിക്കുന്നതിന്റെ രീതിയിൽ വളരെയധികം മാറ്റമുണ്ടാകുമെന്ന് ഞാൻ കരുതുന്നില്ല. കുറച്ച് പുതുമുഖങ്ങളുണ്ട്, അവർ ലോകകപ്പിൽ രോഹിത് ശർമ്മയും വിരാട് കോഹ്ലിയും കളിച്ച റോൾ ഇപ്പോഴേ കളിക്കുമെന്ന് പ്രതീക്ഷിക്കുന്നത് ശരിയല്ല.
നിങ്ങൾ അവർക്ക് സമയം നൽകണം. എന്റെ ഭാഗത്ത് നിന്ന് അധിക സമ്മർദമൊന്നും അവർക്കു മേൽ ഇല്ല ”സീരീസ് പ്രീ-സീരീസ് പത്രസമ്മേളനത്തിൽ രാഹുൽ പറഞ്ഞു.