ഇന്ത്യൻ പരിശീലകനായി ചുമതലയേറ്റ മുൻ ഇന്ത്യൻ താരം രാഹുൽ ദ്രാവിഡിന്റെ അനുഭവസമ്പത്ത് യുവതാരങ്ങൾക്കും സീനിയർ താരങ്ങൾക്കും ഗുണം ചെയ്യുമെന്ന് ഇന്ത്യൻ ടെസ്റ്റ് ബാറ്റ്സ്മാൻ ചേതേശ്വർ പൂജാര. ന്യൂസിലാൻഡിനെതിരായ ഒന്നാം ടെസ്റ്റിൽ ഇന്ത്യ രാഹുൽ ദ്രാവിഡിന് കീഴിൽ കളിക്കാനിരിക്കെയാണ് പൂജാരയുടെ പ്രതികരണം.
രാഹുൽ ദ്രാവിഡിന് കീഴിൽ അണ്ടർ 19/ ഇന്ത്യ എ ടീം മത്സരങ്ങളിൽ കളിച്ച താരങ്ങൾക്ക് ദ്രാവിഡ് ഇന്ത്യൻ പരിശീലകൻ ആവുന്നത് ഗുണം ചെയ്യുമെന്നും പൂജാര പറഞ്ഞു. ഇന്ത്യക്ക് വേണ്ടി 164 ടെസ്റ്റ് മത്സരങ്ങൾ കളിച്ച അനുഭവസമ്പത്ത് ഉള്ള താരമാണ് രാഹുൽ ദ്രാവിഡ്. രവി ശാസ്ത്രിയിൽ നിന്ന് പരിശീലക സ്ഥാനം ഏറ്റെടുത്തതിന് ശേഷമുള്ള ആദ്യ ടെസ്റ്റ് പരമ്പരകൂടിയാണ് ന്യൂസിലാൻഡിനെതിരെയുള്ളത്. വ്യാഴാഴ്ച ഇന്ത്യയും ന്യൂസിലാൻഡും തമ്മിലുള്ള ആദ്യ ടെസ്റ്റ് മത്സരം.