ഇംഗ്ലണ്ടിലെ കൗണ്ടി ക്രിക്കറ്റ് സീസണിന്റെ ശേഷിക്കുന്ന മത്സരങ്ങൾ കളിക്കാൻ ആയി ഇന്ത്യൻ ബാറ്റർ പൃഥ്വി ഷായും. താരം നോർത്താംപ്ടൺഷെയറുമായി കരാർ ഉറപ്പിച്ചു. ദുലീപ് ട്രോഫി കഴിയുന്നതോടെ താരം ഇംഗ്ലണ്ടിലേക്ക് പോകും.
ദുലീപ് ട്രോഫിൽ വെസ്റ്റ് സോൺ ടീമിന്റെ ഭാഗമാണ് പൃഥ്വി ഷാ. ആറ് മാസമായി ഫസ്റ്റ് ക്ലാസ് ക്രിക്കറ്റ് കളിക്കാത്ത ഷാ ഇപ്പോൾ ഫോം കണ്ടെത്തി ഇന്ത്യൻ ടീമിലേക്ക് തിരികെയെത്താനുള്ള ശ്രമത്തിലാണ്.
ഐപിഎൽ 2023-ൽ ഡൽഹി ക്യാപിറ്റൽസിന്റെ ഭാഗമായിരുന്നു ഷായുടെ പ്രകടനങ്ങൾ മോശമായിരുന്നു. അവസാനം അർധ സെഞ്ച്വറി നേടി എങ്കിലും ടീമിനെ കാര്യമായി സഹായിക്കാൻ അദ്ദേഹത്തിനായില്ല. ഇംഗ്ലീഷ് കൗണ്ടി ചാമ്പ്യൻഷിപ്പിന്റെ ഒന്നാം ഡിവിഷനിൽ കളിക്കുന്ന ടീമാണ് നോർത്താംപ്ടൺഷയർ