ജോഹാന്നസ്ബര്‍ഗിലെ വിജയം ഇന്ത്യയ്ക്ക് ഉറപ്പാക്കിയത് ഒന്നാം സ്ഥാനം

- Advertisement -

പരമ്പര നഷ്ടമായെങ്കിലും ജോഹാന്നസ്ബര്‍ഗില്‍ ഇന്ത്യ ദക്ഷിണാഫ്രിക്കയ്ക്കെതിരെ വിജയം പിടിച്ചെടുത്തത് ഇന്ത്യയ്ക്ക് ഒന്നാം സ്ഥാനം ഉറപ്പാക്കുകയായിരുന്നു. ഓസ്ട്രേലിയയ്ക്കെതിരെ ദക്ഷിണാഫ്രിക്ക തങ്ങളുടെ നാല് ടെസ്റ്റ് മത്സരങ്ങളും വിജയിച്ചാലും ഏപ്രില്‍ 3നു വരുന്ന പുതിയ റാങ്കിംഗ് പ്രകാരം ഇന്ത്യയെ മറികടക്കുവാന്‍ ദക്ഷിണാഫ്രിക്കയ്ക്ക് ആവില്ല എന്നത് ഇതോടെ ഉറപ്പാവുകയായിരുന്നു.

ഇന്ത്യ ദക്ഷിണാഫ്രിക്കയില്‍ എത്തുമ്പോള്‍ ടെസ്റ്റില്‍ 124 പോയിന്റാണ് കൈവശമുണ്ടായിരുന്നു. ദക്ഷിണാഫ്രിക്കയാകട്ടെ 13 പോയിന്റ് പിന്നിലായി 111 പോയിന്റുമായി രണ്ടാം സ്ഥാനത്തായിരുന്നു. 2-1 നു പരമ്പര പരാജയപ്പെട്ടുവെങ്കിലും 121 പോയിന്റാണ് ഇന്ത്യയുടെ കൈവശമുള്ളത്. ദക്ഷിണാഫ്രിക്കയാകട്ടെ 115 പോയിന്റാണ് നേടിയിരിക്കുന്നത്. ഇതോടു കൂടി ഏപ്രിലിലെ കട്ട്-ഓഫ് സമയത്തും ടെസ്റ്റിലെ ഒന്നാം സ്ഥാനം ഇന്ത്യയുടെ കൈവശം തന്നെയെന്ന് കോഹ്‍ലിയും സംഘവും ഉറപ്പിച്ചു.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement