ദക്ഷിണാഫ്രിക്കകെതിരായ മൂന്നാമത്തെയും അവസാനത്തെയും ടെസ്റ്റിൽ ഇന്ത്യക്ക് ജയം. 63 റൺസിനാണ് ഇന്ത്യ ദക്ഷിണാഫ്രിക്കയെ തറപറ്റിച്ചത്. 241 റൺസിന്റെ വിജയ ലക്ഷ്യവുമായി ഇറങ്ങിയ ദക്ഷിണാഫ്രിക്ക 177 റൺസിന് ഓൾ ഔട്ട് ആവുകയായിരുന്നു. 28 റൺസ് വഴങ്ങി 5 വിക്കറ്റ് വീഴ്ത്തിയ മുഹമ്മദ് ഷമിയാണ് ദക്ഷിണാഫ്രിക്കയുടെ നടുവൊടിച്ചത്. സ്കോർ ഇന്ത്യ 187 & 247, ദക്ഷിണാഫ്രിക്ക194, 177. ബാറ്റുകൊണ്ടും ബൗളുകൊണ്ടും മികച്ച പ്രകടനം കാഴ്ചവെച്ച ഭുവനേശ്വർ കുമാറാണ് പ്ലയെർ ഓഫ് ദി മാച്ച്.
രണ്ടാം വിക്കറ്റിൽ മികച്ച പ്രകടനം കാഴ്ചവെച്ച എൽഗറും ഹാഷിം ആംലയും 119 റൺസ് കൂട്ടിച്ചേർത്തെങ്കിലും തുടർന്ന് വന്ന ആർക്കും ഇന്ത്യൻ ബൗളർമാരെ തടഞ്ഞു നിർത്താനായില്ല. 52 റൺസ് എടുത്ത ആംലയെ ഇഷാന്ത് ശർമ പുറത്താക്കുകയായിരുന്നു. 86 റൺസോടെ എൽഗർ ഒരു വശത്ത് പുറത്താവാതെ നിന്നെങ്കിലും ആർക്കും പിന്തുണ നൽകാനായില്ല. ദക്ഷിണാഫ്രിക്കൻ നിരയിൽ ആംലയും എൽഗറും ഫിലാൻഡറും ഒഴിക്കെ മറ്റാർക്കും രണ്ടക്ക സംഖ്യ കടക്കാനായില്ല.
ഇന്ത്യൻ നിരയിൽ മുഹമ്മദ് ഷമി 28 റൺസ് വഴങ്ങി 5 വിക്കറ്റ് എടുത്തപ്പോൾ ബുംറയും ഇഷാന്ത് ശർമയും രണ്ട് വിക്കറ്റ് വീതവും വീഴ്ത്തി. മോശം പിച്ചിന്റെ അവസ്ഥയിൽ മത്സരം നിർത്തിവെക്കുമെന്ന തോന്നിച്ച ഘട്ടത്തിലാണ് ഇന്ത്യ വിജയം സ്വന്തമാക്കിയത്.
കൂടുതൽ കായിക വാർത്തകൾക്ക് : www.facebook.com/FanportOfficial
