വിന്‍ഡീസ് കുതിയ്ക്കുന്നു, ലീഡ് 228 റണ്‍സ്

- Advertisement -

ആന്റിഗ്വ ടെസ്റ്റില്‍ വീന്‍ഡീസ് ബാറ്റിംഗ് മികച്ച രീതിയില്‍ മുന്നേറുന്നു. രണ്ടാം ദിവസം ഉച്ച ഭക്ഷണത്തിനു ടീമുകള്‍ പിരിയുമ്പോള്‍ ക്രെയിഗ് ബ്രാത്‍വൈറ്റിന്റെ ശതകത്തിന്റെ ബലത്തില്‍ വിന്‍ഡീസ് 271/3 എന്ന നിലയിലാണ്. മത്സരത്തില്‍ 228 റണ്‍സിന്റെ ലീഡാണ് ആതിഥേയര്‍ സ്വന്തമാക്കിയത്. 121 റണ്‍സുമായി ബ്രാത്‍വൈറ്റും 14 റണ്‍സ് നേടി ഷായി ഹോപുമാണ് ക്രീസില്‍.

201/2 എന്ന നിലയില്‍ രണ്ടാം ദിവസം ബാറ്റിംഗ് ആരംഭിച്ച വിന്‍ഡീസിനു 19 റണ്‍സ് നേടിയ നൈറ്റ് വാച്ച്മാന്‍ ദേവേന്ദ്ര ബിഷുവിനെയാണ് നഷ്ടമായത്. കമ്രുല്‍ ഇസ്ലാമിനാണ് വിക്കറ്റ്. 53 റണ്‍സാണ് ബിഷുവും ബ്രാത്‍വൈറ്റും ചേര്‍ന്ന് മൂന്നാം വിക്കറ്റില്‍ നേടിയത്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement