കൊറോണ വൈറസ് ദുരിതാശ്വാസ ഫണ്ടിനായി ഇന്ത്യ – പാകിസ്ഥാൻ ക്രിക്കറ്റ് പരമ്പര നടത്തണമെന്ന മുൻ പാകിസ്ഥാൻ ഫാസ്റ്റ് ബൗളർ ഷൊഹൈബ് അക്തറിന്റെ അഭിപ്രായത്തിന് പിന്തുണ അറിയിച്ച് മുൻ പാകിസ്ഥാൻ ഓൾ റൗണ്ടർ ഷാഹിദ് അഫ്രീദി. ഇന്ത്യയും പാകിസ്ഥാനും തമ്മിൽ പരമ്പര നടത്തണമെന്ന ഷൊഹൈബ് അക്തറുടെ ആശയത്തോട് എതിർപ്പില്ലെന്നും അഫ്രീദി പറഞ്ഞു.
അതെ സമയം ഇന്ത്യ പാകിസ്ഥാൻ നടത്തേണ്ടതില്ലെന്ന് മുൻ ഇന്ത്യൻ ക്യാപ്റ്റൻ കപിൽ ദേവിന്റെ അഭിപ്രായത്തോട് അഫ്രീദി തന്റെ വിയോജിപ്പ് അറിയിക്കുകയും ചെയ്തു. ലോകത്താകമാനം മുഴുവൻ ആൾക്കാരും കൊറോണ വൈറസ് ബാധക്കെതിരെ പൊരുതുമ്പോൾ പൊതു ശത്രുവായ കൊറോണ വൈറസിനെതിരെ ഒരുമിച്ച് പോരാടണമെന്നും ഈ ഘട്ടത്തിൽ ഇത്തരം നെഗറ്റീവ് കമെന്റുകൾ നല്ലതല്ലെന്നും അഫ്രീദി പറഞ്ഞു. കായിക വിനോദങ്ങൾ ജനങ്ങളെ ഒരുമിപ്പിക്കാൻ ഉള്ളതാവണമെന്നും ഇത്തരത്തിലുള്ള അഭിപ്രായങ്ങൾ നിരാശ ഉണ്ടാക്കുന്നതാണെന്നും അഫ്രീദി കൂട്ടിച്ചേർത്തു.