റയൽ മാഡ്രിഡിന്റെ യുവതാരങ്ങളായ വിനീഷ്യസ് ജൂനിയറും റോഡ്രിഗോയും വരാനിരിക്കുന്ന സീസണിൽ ഐക്കോണിക് ഷർട്ട് നമ്പറുകൾ ധരിക്കാൻ തയ്യാറെടുക്കുകയാണ്. വിനീഷ്യസ് ജൂനിയർ ക്രിസ്റ്റ്യാനോ റൊണാൾഡോ ഏറെ കാലം അണിഞ്ഞ ഏഴാം നമ്പർ ജേഴ്സി അണിയുമ്പോൾ ലൂയിസ് ഫിഗോയും ബെയ്ലും ധരിച്ചിരുന്ന 11-ാം നമ്പർ ജേഴ്സിയിലേക്ക് മാറും.
റയൽ മാഡ്രിഡിന്റെ ചരിത്രത്തിൽ ഏഴാം നമ്പർ ഷർട്ടിന് ഏറെ പ്രാധാന്യമുള്ളതാണ്. പോർച്ചുഗീസ് ഗോൾ സ്കോറിംഗ് മെഷീനായ ക്രിസ്റ്റ്യാനോ റൊണാൾഡോ റെക്കോർഡുകൾ എല്ലാം ബ്രേക്ക് ചെയ്തത് ആ ജേഴ്സി അണിഞ്ഞായിരുന്നു. റൊണാൾഡോയ്ക്ക് മുമ്പ്, ഏഴാം നമ്പർ ഷർട്ട് അലങ്കരിച്ചത് ഇതിഹാസം റൗൾ ഗോൺസാലസായിരുന്നു.
ബെൻസീമ കൂടെ ക്ലബ് വിടുന്നതോടെ വിനീഷ്യസ് ജൂനിയറും റോദ്രിഗോയും ആകും ഇനി റയൽ മാഡ്രിഡിന്റെ പ്രധാന മുഖങ്ങൾ.