എമിറേറ്റ്സ് സ്റ്റേഡിയത്തിൽ നിലവിലെ ചാമ്പ്യന്മാരായ റയൽ മാഡ്രിഡിനെതിരെ തകർപ്പൻ 3-0 വിജയം നേടിയ ആഴ്സണൽ ചാമ്പ്യൻസ് ലീഗ് സെമിഫൈനലിലേക്ക് അടുത്തു. ഡെക്ലാൻ റൈസ് നേടിയ രണ്ട് അതിമനോഹരമായ ഫ്രീകിക്കുകളാണ് മത്സരത്തിലെ പ്രധാന ആകർഷണമായത. മികേൽ മെറിനോ മൂന്നാം ഗോൾ നേടി ആഴ്സണലിൻ്റെ ആധിപത്യത്തിന് സമ്പൂർണ്ണത നൽകി.
58-ാം മിനിറ്റിലും 70-ാം മിനിറ്റിലുമായിരുന്നു റൈസിൻ്റെ ഗോളുകൾ. റയൽ ഗോൾകീപ്പർ തിബോ കോർട്ടോയിസിന് ഒരവസരവും നൽകാതെ പന്ത് വലയിലേക്ക് തുളഞ്ഞുകയറിയ ഈ സെറ്റ്-പീസുകൾ റയലിനെ ഞെട്ടിച്ചു. റൈസിൻ്റെ കരിയറിലെ ആദ്യ ഫ്രീകിക്ക് ഗോളുകളായിരുന്നു ഇത്. മത്സരത്തിന്റെ അവസാന നിമിഷങ്ങളിൽ, പന്ത് തട്ടിയകറ്റിയതിന് രണ്ടാം മഞ്ഞക്കാർഡ് ലഭിച്ചതിനെത്തുടർന്ന് റയലിൻ്റെ എഡ്വേർഡോ കാമവിംഗ ചുവപ്പ് കാർഡ് കണ്ട് പുറത്തായത് റയലിന്റെ ദുരിതം വർദ്ധിപ്പിച്ചു.
2009 ന് ശേഷം ചാമ്പ്യൻസ് ലീഗ് സെമിഫൈനലിൽ എത്തിയിട്ടില്ലാത്ത ഗണ്ണേഴ്സ്, ഏപ്രിൽ 16 ന് സാ Santiago Bernabeu യിൽ നടക്കുന്ന രണ്ടാം പാദത്തിൽ സെമി ഫൈനൽ ഉറപ്പിക്കാൻ ശ്രമിക്കും. റയൽ ഒരു അത്ഭുതം നടത്താൻ ആകും ശ്രമിക്കുക.