ഇന്ത്യൻ സൂപ്പർ ലീഗിന്റെ (ഐ.എസ്.എൽ) വാണിജ്യ അവകാശങ്ങൾ വിൽക്കാനുള്ള ലേലത്തിൽ ആരും പങ്കെടുക്കാതിരുന്നത് രാജ്യത്തെ പ്രമുഖ ഫുട്ബോൾ ലീഗിന്റെ ഭാവിയെ പ്രതിസന്ധിയിലാക്കിയിരിക്കുകയാണ്. ഡിസംബറിൽ ലീഗ് ആരംഭിക്കുമെന്നും സൂപ്പർ കപ്പിൽ പങ്കെടുക്കണമെന്നും ആവശ്യപ്പെട്ട് അഖിലേന്ത്യാ ഫുട്ബോൾ ഫെഡറേഷൻ (എ.ഐ.എഫ്.എഫ്) ക്ലബുകളോട് പ്രീ-സീസൺ പ്രവർത്തനങ്ങൾ തുടങ്ങാൻ ആവശ്യപ്പെട്ടിരുന്നു. എന്നാൽ, ലേലത്തിനായുള്ള സമയപരിധി അവസാനിച്ചിട്ടും ആരും ബിഡ് നൽകാതിരുന്നതോടെ ഐ.എസ്.എല്ലിന്റെ ഭാവി അനിശ്ചിതത്വത്തിലായിരിക്കുകയാണ്.
ഈ സംഭവവികാസത്തെ തുടർന്ന് മോഹൻ ബഗാൻ സൂപ്പർ ജയന്റ്, കേരള ബ്ലാസ്റ്റേഴ്സ് ഉൾപ്പെടെയുള്ള നിരവധി ക്ലബുകൾ ടീം പ്രവർത്തനങ്ങൾ താൽക്കാലികമായി നിർത്തിവച്ചതായി ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. സൂപ്പർ കപ്പ് കഴിഞ്ഞ താരങ്ങളും സ്റ്റാഫ് അംഗങ്ങള വീട്ടിലേക്ക് മടങ്ങും. ഇനി ഐ എസ് എൽ നടത്തിപ്പിൽ തീരുമാനം ആയാലേ ക്ലബ് പ്രീസീസൺ പുനരാരംഭിക്കുകയുള്ളൂ.