കൊൽക്കത്തയിലെ ഈഡൻ ഗാർഡൻസിൽ നടക്കുന്ന ഇന്ത്യ – ദക്ഷിണാഫ്രിക്ക ഒന്നാം ടെസ്റ്റിന്റെ രണ്ടാം ദിനം ലഞ്ച് ബ്രേക്കിന് പിരിയുമ്പോൾ, ഇന്ത്യ തങ്ങളുടെ ഒന്നാം ഇന്നിംഗ്സിൽ 4 വിക്കറ്റ് നഷ്ടത്തിൽ 138 റൺസ് നേടി ദക്ഷിണാഫ്രിക്കയുടെ സ്കോറിനേക്കാൾ 21 റൺസ് മാത്രം പിന്നിലാണ്. ജസ്പ്രീത് ബുംറയുടെ 5 വിക്കറ്റ് പ്രകടനത്തിന് മുന്നിൽ ദക്ഷിണാഫ്രിക്ക ഇന്നലെ 55 ഓവറിൽ 159 റൺസിന് ഓൾഔട്ടായിരുന്നു.
ഇന്ത്യൻ ഇന്നിംഗ്സിൽ കെ.എൽ. രാഹുൽ (39), വാഷിംഗ്ടൺ സുന്ദർ (29) എന്നിവർ ഇന്ന് നിർണായക സംഭാവനകൾ നൽകി. എന്നാൽ, ശുഭ്മാൻ ഗിൽ 4 റൺസെടുത്തതിന് ശേഷം കഴുത്ത് വേദന കാരണം റിട്ടയേർഡ് ഹർട്ടായി മടങ്ങിയത് ഇന്ത്യക്ക് തിരിച്ചടിയായി. രണ്ടാം ദിനം ആദ്യ സെഷനിൽ ഇന്ത്യ 101 റൺസ് കൂട്ടിച്ചേർക്കുകയും 3 വിക്കറ്റുകൾ നഷ്ടപ്പെടുത്തുകയും ചെയ്തു. ഈ സെഷൻ ഇരു ടീമുകൾക്കും തുല്യ അവസരങ്ങൾ നൽകി. കെ.എൽ. രാഹുലിനെയും (39) വാഷിംഗ്ടൺ സുന്ദറിനെയും (29) നഷ്ടമായതിന് പിന്നാലെ ഋഷഭ് പന്തിൻ്റെ (27) വിക്കറ്റും ഇന്ത്യക്ക് നഷ്ടമായി. ദക്ഷിണാഫ്രിക്കയ്ക്ക് വേണ്ടി കേശവ് മഹാരാജ് രാഹുലിനെയും, സൈമൺ ഹാർമർ സുന്ദറിനെയും, കോർബിൻ ബോഷ് പന്തിനെയും പുറത്താക്കി. നിലവിൽ രവീന്ദ്ര ജഡേജയും (11) ധ്രുവ് ജുറേലുമാണ് (5) ക്രീസിലുള്ളത്.