ദക്ഷിണാഫ്രിക്കയ്ക്കെതിരായ ടി20 ഐ പരമ്പരയിൽ ഓസ്ട്രേലിയയ്ക്കായി സ്റ്റീവ് സ്മിത്ത് ബാറ്റിംഗ് ഓപ്പൺ ചെയ്യുമെന്ന് ഓസ്ട്രേലിയയുടെ സെലക്ടർമാരുടെ ചെയർമാൻ ജോർജ്ജ് ബെയ്ലി സ്ഥിരീകരിച്ചു. ബിബിഎൽ 2023 സീസണിൽ സ്മിത്ത് സിഡ്നി സിക്സേഴ്സിനായി ഓപ്പണിംഗ് ഇറങ്ങി തകർപ്പൻ പ്രകടനം കാഴ്ചവെച്ചിരുന്നു. 188നു മേലെ ആയിരുന്നു ബിഗ് ബാഷിൽ സ്മിത്തിന്റെ സ്ട്രൈക്ക് റേറ്റ്. 86.5ന്റെ ശരാശരിയും. രണ്ട് സെഞ്ച്വറിയും സ്മിത്ത് നേടിയിരുന്നു.
“മൾട്ടി ഫോർമാറ്റ് കളിക്കാരിൽ ഒരാളാണ് സ്മിത്ത്. അദ്ദേഹത്തിന് ഓപ്പണറായി അവസരം നൽകാൻ ഞങ്ങൾ ആഗ്രഹിചക്കുന്നു” ബെയ്ലി വിശദീകരിച്ചു.
“ബിഗ് ബാഷിലെ അദ്ദേഹത്തിന്റെ ഇന്നിംഗ്സുകൾ, അദ്ദേഹത്തിന്റെ കഴിവുകളെക്കുറിച്ചും അദ്ദേഹത്തിന് എന്തുചെയ്യാൻ കഴിയുമെന്നും കാണിച്ചു തന്നു. ബിഗ് ബാഷിൽ അദ്ദേഹം കളിച്ച രീതി, അത് അന്താരാഷ്ട്ര തലത്തിൽ ആവർത്തിക്കുന്നത് കാണാൻ ഞങ്ങൾ ആഗ്രഹിക്കുന്നു.” ബെയ്ലി കൂട്ടിച്ചേർത്തു