ന്യൂസിലൻഡിന് എതിരായ മൂന്നാം ടെസ്റ്റ് വിജയിക്കാൻ ഇന്ത്യക്ക് 147 റൺസ്. ഇന്ന് ടെസ്റ്റിന്റെ മൂന്നാം ദിനം ന്യൂസിലൻഡിനെ ഇന്ത്യ 174 റൺസിന് ഓളൗട്ട് ആക്കി. ഇന്ന് നാലു റൺസ് മാത്രം എടുക്കാനെ ന്യൂസിലൻഡിനായുള്ളൂ. 8 റൺസ് എടുത്ത അജാസ് പട്ടേലിനെ ജഡേജ പുറത്താക്കിയതോടെ ന്യൂസിലൻഡ് ഇന്നിങ്സ് അവസാനിച്ചു.
ജഡേജ ഇന്ത്യക്ക് ആയി ഈ ഇന്നിംഗ്സിലും 5 വിക്കറ്റ് വീഴ്ത്തി. രണ്ട് ഇന്നിംഗ്സുമായി അദ്ദേഹം ആകെ 10 വിക്കറ്റുകൾ വീഴ്ത്തി. അശ്വിൻ മൂന്ന് വിക്കറ്റും വാഷിംഗ്ടൺ സുന്ദർ, ആകാഷ് ദീപ് എന്നിവർ ഒരോ വിക്കറ്റും വീഴ്ത്തി. ഈ പരമ്പരയിലെ ആദ്യ രണ്ട് ടെസ്റ്റും പരാജയപ്പെട്ട ഇന്ത്യക്ക് ആശ്വാസ വിജയം നേടാനുള്ള അവസരമാണിത്.