പെർത്ത് ഏകദിനം: ടോസ് നേടിയ ഓസ്‌ട്രേലിയ ഇന്ത്യയെ ബാറ്റിംഗിനയച്ചു

പെർത്തിലെ ഓപ്ടസ് സ്റ്റേഡിയത്തിൽ നടക്കുന്ന ഇന്ത്യക്കെതിരായ മൂന്ന് ഏകദിന പരമ്പരയിലെ ആദ്യ മത്സരത്തിൽ ടോസ് നേടിയ ഓസ്‌ട്രേലിയൻ ക്യാപ്റ്റൻ മിച്ചൽ മാർഷ് ആദ്യം ബൗളിംഗ് തിരഞ്ഞെടുക്കുകയായിരുന്നു. ലോക ക്രിക്കറ്റിലെ ഈ രണ്ട് വമ്പൻമാർ തമ്മിലുള്ള ഏറെ പ്രതീക്ഷയോടെ കാത്തിരുന്ന പരമ്പരയ്ക്ക് ഇതോടെ തുടക്കമായി.
മേഘാവൃതമായ കാലാവസ്ഥയും പിച്ചിലെ ഈർപ്പവുമാണ് ഇന്ത്യയെ ബാറ്റിംഗിന് അയക്കാൻ മാർഷിനെ പ്രേരിപ്പിച്ചത്.

“പിച്ചിൽ കുറച്ച് പുല്ലും വേഗവും” ഉണ്ടെന്നും അത് തങ്ങളുടെ ഫാസ്റ്റ് ബൗളർമാർക്ക് മുതലെടുക്കാൻ കഴിയുമെന്നാണ് താൻ കരുതുന്നതെന്നും അദ്ദേഹം പറഞ്ഞു.
ഇന്ത്യൻ ടീമിനെ സംബന്ധിച്ചിടത്തോളം, ശുഭ്മാൻ ഗിൽ മുഴുസമയ ഏകദിന ക്യാപ്റ്റനെന്ന നിലയിൽ തന്റെ യാത്ര തുടങ്ങുകയാണ്. കാലാവസ്ഥ കളിയെ ബാധിച്ചേക്കാം എന്ന് സമ്മതിച്ച ഗിൽ, താനും ആദ്യം ബൗളിംഗ് തിരഞ്ഞെടുക്കാൻ ആഗ്രഹിച്ചിരുന്നുവെന്നും എന്നാൽ ശക്തമായ ഒരു സ്കോർ നേടാൻ തന്റെ ടീമിന് കഴിയുമെന്ന ആത്മവിശ്വാസം പ്രകടിപ്പിക്കുകയും ചെയ്തു.

എട്ട് മാസത്തിലേറെയായി ഏകദിന ടീമിൽ നിന്ന് വിട്ടുനിന്ന ഇതിഹാസ താരങ്ങളായ രോഹിത് ശർമ്മയും വിരാട് കോഹ്‌ലിയും ടീമിൽ തിരിച്ചെത്തി. കൂടാതെ, രോഹിത് ശർമ്മയിൽ നിന്ന് തന്റെ ഏകദിന ക്യാപ് ഏറ്റുവാങ്ങിയ നിതീഷ് കുമാർ റെഡ്ഡി ഇന്ത്യൻ നിരയിൽ അരങ്ങേറ്റം കുറിച്ചു.

India (Playing XI): Rohit Sharma, Shubman Gill(c), Virat Kohli, Shreyas Iyer, KL Rahul(w), Axar Patel, Washington Sundar, Nitish Kumar Reddy, Harshit Rana, Mohammed Siraj, Arshdeep Singh

Australia (Playing XI): Travis Head, Mitchell Marsh(c), Matthew Short, Josh Philippe(w), Matt Renshaw, Cooper Connolly, Mitchell Owen, Mitchell Starc, Nathan Ellis, Matthew Kuhnemann, Josh Hazlewood