ഇന്ത്യൻ പ്രീമിയർ ലീഗിൽ വീണ്ടും ബാറ്റിംഗിൽ ചെന്നൈ സൂപ്പർ കിംഗ്സ് പതറി. അവർ ഇന്ന് ചെന്നൈയിൽ കൊൽക്കത്ത നൈറ്റ് റൈഡേഴ്സിന് എതിരെ ആദ്യം ബാറ്റു ചെയ്ത് 20 ഓവറിൽ വെറും 103/9 റൺസ് മാത്രമാണ് എടുത്തത്. ചെന്നൈയുടെ ഒരു ബാറ്ററും ആക്രമിച്ചു കളിക്കാൻ മുതിർന്നതു പോലുമില്ല.
9 പന്തിൽ 4 റൺസ് എടുത്ത രചിൻ, 11 പന്തിൽ 12 റൺസ് എടുത്ത കോൺവെ, 22 പന്തിൽ 16 റൺസ് എടുത്ത ത്രിപാതി, 7 പന്തിൽ ഒരു റൺസ് എടുത്ത അശ്വിൻ, റൺ ഒന്നും എടുക്കാതെ കളം വിട്ട ജഡേജ, ഹൂഡ, 4 പന്തിൽ 1 മാത്രം എടുത്ത ധോണി എന്നിവരെല്ലാം നിരാശപ്പെടുത്തി.
21 പന്തിൽ 29 റൺസ് എടുത്ത വിജയ് ശങ്കറും 29 പന്തിൽ നിന്ന് 31 എടുത്ത ശിവം ദൂബെയും ആണ് ആകെ തിളങ്ങിയത്. കെ കെ ആറിനായി നരെയ്ൻ 3 വിക്കറ്റും വരുൺ ചക്രവർത്തി, ഹർഷിത് റാണ എന്നിവർ 2 വിക്കറ്റും വീഴ്ത്തി.