Category: Uncategorized

ഐപിഎൽ മെഗാ ലേലത്ത സന്ദീപ് ശർമ്മയെ ടീമിലെത്തിച്ച് പഞ്ചാബ് കിംഗ്സ്. ബേസ് പ്രൈസായ 50 ലക്ഷം നൽകിയാണ് സന്ദീപിനെ പഞ്ചാബ് വീണ്ടും ടീമിലെത്തിച്ചത്‌. 2013ൽ കിംഗ്സ് ഇലവൻ പഞ്ചാബിലൂടെയായിരുന്നു സന്ദീപ് തന്റെ ഐപിഎൽ കരിയർ ആരംഭിച്ചത്. പിന്നീട് സൺറൈസേഴ്സ് ഹൈദരാബാദിന് വേണ്ടിയും സന്ദീപ് കളിച്ചിട്ടുണ്ട്. 2017ൽ ഗെയ്ല്,കൊഹ്ലി,എഡിബി എന്നിവരുടെ വിക്കറ്റെടുത്ത സന്ദീപിന്റെ പ്രകടനം (3/22) ഏറെ ശ്രദ്ധ പിടിച്ച് പറ്റിയിരുന്നു.

ചിലിക്കും കൊളംബിയക്കും എതിരായ ലോകകപ്പ് യോഗ്യതാ പോരാട്ടങ്ങൾക്കുള്ള 31 അംഗ ടീമിനെ അർജന്റീന പ്രഖ്യാപിച്ചു. കോച്ച് ലയണൽ സ്‌കളോണി പ്രഖ്യാപിച്ച ടീമിൽ സൂപ്പർ താരം ലയണൽ മെസ്സിയെ ഉൾപ്പെടുത്തിയിട്ടില്ല. കോവിഡിൽ നിന്നും കഴിഞ്ഞയാഴ്‌ച മുക്തനായ മെസ്സിക്ക് വിശ്രമം അനുവദിക്കുകയായിരുന്നു. അതേസമയം യുവന്റസ് താരം ഡിബാല ടീമിലേക്ക് തിരിച്ചെത്തി

ബ്രൈറ്റൺ മധ്യനിരയിലെ താരം അലക്സിസ് മാക് അലിസ്റ്ററിനെ ടീമിൽ ഉൾപ്പെടുത്തി. ബ്രൈറ്റണ് വേണ്ടി മികച്ച പ്രകടനം പുറത്തെടുത്തതാണ് താരത്തിന് ദേശീയ ടീമിലേക്ക് വഴി തെളിയിച്ചത്. മെസ്സിക്ക് പുറമെ റൊമേറോ, നിക്കോ ഡൊമിൻഗ്വസ് എന്നിവർക്കും വിശ്രമം അനുവദിച്ചിട്ടുണ്ട്.

സീരി എയിൽ നിന്നും ഏഴു താരങ്ങൾക്കാണ് ടീമിൽ ഇടം നൽകിയത്. ഡിബാലക്ക് പുറമെ ലൗതരോ മർട്ടിനെസ്, ലൂക്കാസ് മർട്ടിനെസ്, നിക്കോളാസ് ഗോണ്സാലസ്, ഹുവാൻ മുസ്സോ, മൊലിന, ടുകു കൊറെയ എന്നിവരാണ് ടീമിൽ സീരി എയിൽ നിന്നും ഇടം നേടിയത്.

ഈ മാസം 28ന് ചിലിക്കെതിരെയും ഫെബ്രുവരി 2നു കൊളംബിയക്കെതിരെയും ആണ് അർജന്റീനയുടെ മത്സരങ്ങൾ. അർജന്റീന ഇതിനകം ലോകകപ് യോഗ്യത നേടിയിട്ടുണ്ട്.

ഇറ്റാലിയൻ ഇതിഹാസ ഡിഫൻഡർ ഫാബിയോ കന്നവാരോ പോളണ്ട് ദേശീയ ടീമിന്റെ പരിശീലകൻ ആയേക്കും. പോളണ്ട് പരിശീലകൻ പോളോ സൗസ സ്ഥാനം ഒഴിഞ്ഞതിന് പകരമായാകും കന്നവാരോ എത്തുന്നത്. മുമ്പ് ചൈന ദേശീയ ടീമിനെ കന്നവാരോ പരിശീലിപ്പിച്ചിട്ടുണ്ട്.

ചൈനീസ് ക്ലബായ ഗുവാൻസോ എവർഗ്രാൻഡെയിൽ ആയിരുന്നു കന്നവാരോ ഏറ്റവും കൂടുതൽ പരിശീലകൻ ആയി തിളങ്ങിയത്. പരിശീലകൻ എന്ന നിലയിൽ ചൈനയിൽ മൂന്ന് കിരീടങ്ങൾ കന്നവാരോ നേടിയിട്ടുണ്ട്. മുമ്പ് സൗദി അറേബ്യയിലും കന്നവാരോ പരിശീലകൻ ആയി പ്രവർത്തിച്ചിട്ടുണ്ട്‌.

വിജയ് ഹസാരെ ട്രോഫിയുടെ പ്രീക്വാർട്ടറിൽ മധ്യപ്രദേശിനെ നേരിട്ട ഉത്തർ പ്രദേശിന് 5 വിക്കറ്റ് വിജയം. ആദ്യം ബാറ്റു ചെയ്ത മധ്യപ്രദേശ് 234 റൺസിന് ഓളൗട്ട് ആയിരുന്നു. 83 റൺസ് എടുത്ത ശുഭം ശർമ്മയാണ് മധ്യപ്രദേശിന്റെ ടോപ് സ്കോറർ ആയത്. ഉത്തര പ്രദേശിനായി യാഷ് ദയാൽ 3 വിക്കറ്റ് എടുത്ത് തിളങ്ങി. രണ്ടാം ഇന്നിങ്സിൽ 50ആം ഓവറിലാണ് ഉത്തർ പ്രദേശ് വിജയിച്ചത്. 78 റൺസ് എടുത്ത അക്ഷ് ദീപ് നാഥും 58 റൺസ് എടുത്ത് പുറത്താകാതെ നിന്ന റിങ്കു സിങും ആണ് ഉത്തർ പ്രദേശിനെ ജയത്തിലേക്ക് നയിച്ചത്. ക്വാർട്ടറിൽ സൗരാഷ്ട്രയെ ആകും ഉത്തർ പ്രദേശ് നേരിടുക.

ആഷസ് ടെസ്റ്റിൽ ഓസ്ട്രേലിയയോട് കനത്ത തോൽവിയേറ്റുവാങ്ങിയതിന് പിന്നാലെ ഇംഗ്ലണ്ടിന് വമ്പൻ പിഴ. മത്സരത്തിലെ സ്ലോ ഓവർ റേറ്റിന്റെ പേരിലാണ് ഐ.സി.സി ഇംഗ്ലണ്ടിന് പിഴ വിധിച്ചത്. ലോക ടെസ്റ്റ് ചാമ്പ്യൻഷിപ്പിൽ നിന്ന് 5 പോയിന്റ് കുറച്ച ഐ.സി.സി മാച്ച് ഫീയുടെ 100% പിഴയായി നൽകാനും വിധിച്ചിട്ടുണ്ട്. ഇത്തവണത്തെ ലോക ടെസ്റ്റ് ചാമ്പ്യൻഷിപ്പിൽ പിഴയായി മൊത്തം 7 പോയിന്റ് ഇംഗ്ലണ്ടിന് നഷ്ട്ടപെട്ടിട്ടുണ്ട്.

മത്സരത്തിൽ 9 വിക്കറ്റിന് പരാജയപ്പെട്ട ഇംഗ്ലണ്ട് നിലവിൽ ലോക ടെസ്റ്റ് ചാമ്പ്യൻഷിപ്പിൽ ഏഴാം സ്ഥാനത്തേക്ക് എത്തുകയും ചെയ്തു. 5 ലോക ടെസ്റ്റ് ചാമ്പ്യൻഷിപ്പ് മത്സരങ്ങൾ കളിച്ച ഇംഗ്ലണ്ടിന്റെ സമ്പാദ്യം വെറും 9 പോയിന്റാണ്. ഐ.സി.സിയുടെ ലോക ടെസ്റ്റ് ചാംപ്യൻഷിപ് നിയമപ്രകാരം ഓരോ സ്ലോ ഓവറിനും ഒരു പോയിന്റ് വീതം കുറയ്ക്കും.