കൗണ്ടി ചാമ്പ്യന്ഷിപ്പില് ലങ്കാഷയറിന് തിരിച്ചടി. ടീമിന് വേണ്ടി കളിക്കുവാന് ഓസ്ട്രേലിയന് പേസര് ജാക്സണ് ബേര്ഡ് എത്തില്ല എന്നാണ് അറിയുന്നത്. താരത്തിന്റെ കഴുത്തിനേറ്റ പരിക്കാണ് ഈ പിന്മാറ്റത്തിന് കാരണം. ടൂര്ണ്ണമെന്റില് ആറ് മത്സരങ്ങള്ക്കായായിരുന്നു ലങ്കാഷയര് താരത്തെ സ്വന്തമാക്കിയത്.
കെന്റിനെതിരെയുള്ള മൂന്നാം മത്സരം മുതല് താരം ടീമിനൊപ്പം ചേരുമെന്നാണ് പ്രതീക്ഷിച്ചതെങ്കിലും ബള്ജിംഗ് ഡിസ്ക് കാരണം താരത്തോട് നാലാഴ്ച വിശ്രമം തേടുവാന് ആവശ്യപ്പെടുകയായിരുന്നു. ഇതോടെ ടീമിന് ഒരു ഓവര്സീസ് താരത്തെ പകരക്കാരനായി കണ്ടെത്താവുന്നതാണ്.