പ്രീമിയർ ലീഗ് ഡിസംബറിലെ തിരക്കേറിയ മത്സര ദിനങ്ങളിലേക് കടക്കവേ വെസ്റ്റ് ഹാമിന് കനത്ത തിരിച്ചടി. സ്ട്രൈക്കർ മാർക്കോ അനാടോവിച് പരിക്കേറ്റ് പുറത്ത്. കാർഡിഫിന് എതിരായ മത്സരത്തിൽ പരിക്കേറ്റ താരത്തിന് ഒരു മാസം പുറത്തിരിക്കേണ്ടി വരും.
ഈ സീസണിൽ 4 ഗോളുകളുമായി ഫോമിലുള്ള താരത്തിന് കാലിനാണ് പരിക്കേറ്റത്. ഓസ്ട്രിയൻ താരമായ അനാടോവിച് വെസ്റ്റ് ഹാമിന്റെ ഒന്നാം നമ്പർ സ്ട്രൈക്കറാണ്. എങ്കിലും താരത്തിന് പകരക്കാരനായി ഇറങ്ങിയ ലൂക്കാസ് പെരസ് 2 ഗോളുകളുമായി ഫോമിലായത് പല്ലെഗ്രിനിക്ക് ആശ്വാസമാകും. ഹാവിയെ ഹെർണാണ്ടസും ഫോമിലാണ് എന്നത് വെസ്റ്റ് ഹാമിന്റെ പ്രതീക്ഷകൾ വർധിപ്പിക്കുന്നുണ്ട്.