വിംബിൾഡണിൽ ആദ്യ മത്സരത്തിൽ അനായാസ ജയവുമായി രണ്ടാം സീഡ് ബെലാറസ് താരം ആര്യാന സബലങ്ക. സീഡ് ചെയ്യാത്ത റൊമാനിയൻ താരം മോണിക നിക്ലൈസ്കുവിനെ നേരിട്ടുള്ള സെറ്റുകൾക്ക് ആണ് സബലങ്ക തകർത്തത്. മത്സരത്തിൽ ആദ്യ സെറ്റിൽ വെറും 18 മിനിറ്റുകൾക്ക് അകം 5-0 നു മുന്നിലെത്തിയ സബലങ്ക സെറ്റ് 6-1 നു പെട്ടെന്ന് നേടി മത്സരത്തിൽ ആധിപത്യം പിടിച്ചു.
രണ്ടാം സെറ്റിൽ കൂടുതൽ പൊരുതിയ റൊമാനിയൻ താരത്തിന് പക്ഷെ 6-3 നു സെറ്റ് അടിയറവ് പറയേണ്ടി വന്നു മത്സരം കൈവിടേണ്ടി വന്നു. 2 തവണ ബ്രൈക്ക് വഴങ്ങിയെങ്കിലും 5 തവണയാണ് സബലങ്ക എതിരാളിയെ ബ്രൈക്ക് ചെയ്തത്. നിലവിലെ ജേതാവ് ആയ സിമോണ ഹാലപ്പ്, നയോമി ഒസാക്ക എന്നിവർ പിന്മാറിയതോടെ രണ്ടാം സീഡ് ആയ ലോക നാലാം നമ്പർ താരത്തിന് മികച്ച അവസരം ആണ് ഈ വിംബിൾഡൺ.
