2024 വിംബിൾഡൺ പുരുഷ സിംഗിൾസിൽ നിന്ന് ഇന്ത്യയുടെ സുമിത് നാഗൽ പുറത്ത്. ആദ്യ റൗണ്ടിൽ ഇന്ന് ഇറങ്ങുയ ഇന്ത്യയുടെ ഒന്നാം റാങ്കുകാരനായ സിംഗിൾസ് താരം സുമിത് നാഗൽ സെർബിയയുടെ മിയോമിർ കെക്മാനോവിച്ചിനോട് ആണ് തോറ്റത്. കെക്മാനോവിച്ചിനോട് 2-6, 6-3, 3-6, 4-6 എന്ന സ്കോറിനാണ് തോറ്റത്.
2 മണിക്കൂർ 48 മിനിറ്റ് നീണ്ടു നിന്ന പോരാട്ടത്തിൽ ഒരു ഫൈറ്റ് എതിരാളിക്ക് നൽകാൻ നാഗലിനായി. വിംബിൾഡണിലെ മെയിൻ ഡ്രോയിൽ നഗാലിന്റെ കരിയറിലെ ആദ്യ മത്സരമായിരുന്നു ഇത്. ഇന്ന് തോറ്റെങ്കിലും 60000 ഡോളർ ഏകദേശം 50 ലക്ഷം രൂപയ്ക്ക് മുകളിൽ നാഗലിന് സമ്മാനത്തുക ആയി ലഭിക്കും.