അനായാസ ജയം കുറിച്ച് വിംബിൾഡൺ രണ്ടാം റൗണ്ടിലേക്ക് മുന്നേറി ലോക ഒന്നാം നമ്പർ താരവും ഒന്നാം സീഡും ആയ ആര്യാന സബലങ്ക. സീഡ് ചെയ്യാത്ത കനേഡിയൻ താരം കാർസൻ ബ്രാൻസ്റ്റിനെ നേരിട്ടുള്ള സെറ്റുകൾക്ക് ആണ് സബലങ്ക തോൽപ്പിച്ചത്. ആദ്യ സെറ്റിൽ 6-1 ന്റെ അനായാസ ജയം താരം നേടി.
തുടർന്ന് രണ്ടാം സെറ്റിൽ കുറച്ചു വെല്ലുവിളി കനേഡിയൻ താരം ഉയർത്തിയെങ്കിലും 7-5 നു സെറ്റ് നേടിയ സബലങ്ക രണ്ടാം റൗണ്ട് ഉറപ്പിച്ചു. ഹംഗേറിയൻ താരം അന്നയെ 6-3, 6-1 എന്ന നേരിട്ടുള്ള സ്കോറിന് മറികടന്നു പതിനാലാം സീഡ് എലീന സിറ്റോലീനയും വിംബിൾഡൺ രണ്ടാം റൗണ്ടിലേക്ക് മുന്നേറി.