നിലവിലെ വിംബിൾഡൺ ജേതാവും മൂന്നാം സീഡും ആയ കസാഖിസ്ഥാൻ താരം എലേന റിബാക്കിന അവസാന പതിനാറിൽ. ബ്രിട്ടീഷ് താരം കേറ്റി ബോൽട്ടറിനു എതിരെ ഒരു ദയയും ഇല്ലാത്ത പ്രകടനം ആണ് കസാഖ് താരം പുറത്ത് എടുത്തത്.
വെറും ഒരു മണിക്കൂറിൽ താഴെ 6-1, 6-1 എന്ന സ്കോറിന് റിബാക്കിന മത്സരം സ്വന്തം പേരിലാക്കി. മത്സരത്തിൽ 5 തവണ എതിരാളിയെ ബ്രേക്ക് ചെയ്ത റിബാക്കിന 7 തവണ ഏസുകൾ ഉതിർക്കുകയും ചെയ്തു. വിംബിൾഡണിൽ താരം നേടുന്ന തുടർച്ചയായ പത്താം ജയം ആയിരുന്നു ഇത്.