അമേരിക്കൻ ഭീമൻമാരായ നൈക്കുമായുള്ള ബന്ധം റോജർ ഫെഡറർ അവസാനിപ്പിച്ചു. ഇക്കഴിഞ്ഞ മാർച്ചിൽ അവസാനിച്ച കരാർ പുതുക്കില്ലെന്നുള്ള അഭ്യൂഹങ്ങൾക്ക് ഉത്തരം നൽകി ‘യൂണിക്ലോ’ ഔട്ട്ഫിറ്റിലാണ് വിംബിൾഡണിൽ ആദ്യ മത്സരത്തിന് ഫെഡറർ ഇറങ്ങിയത്. എന്നാൽ നൈക്കുമായുള്ള ഫുട്‌വെയർ ഡീൽ ഫെഡറർ അവസാനിപ്പിച്ചിട്ടില്ല എന്നാണ് മത്സരം നൽകുന്ന സൂചന. പത്ത് വർഷത്തേക്കാണ് ജപ്പാൻ കമ്പനിയായ യൂണിക്ലോയുമായുള്ള ഫെഡററുടെ കരാർ. 300 മില്ല്യൺ ഡോളറുകൾക്ക് അതായത് ഏകദേശം 2000 കോടിയിലധികം ഇന്ത്യൻ രൂപയ്ക്ക് മേലെയാണ് പത്ത് വർഷത്തേക്ക് ഫെഡറർക്ക് ലഭിക്കുക ! കായിക ചരിത്രത്തിലെ തന്നെ ഏറ്റവും വലിയ കരാറും ഇതോടെ ഇതായി.
1998 ൽ പ്രൊഫഷണൽ ടെന്നീസിലേക്ക് എത്തിയത് മുതൽ നൈക്ക് ആയിരുന്നു ഫെഡററുടെ ഔട്ടിഫിറ്റ്. ഏകദേശം 150 മില്ല്യൺ ഡോളറിലധികം ഫെഡറർ ഇതിലൂടെ സമ്പാദിച്ചിട്ടുണ്ട് എന്നാണ് കണക്കുകൾ പറയുന്നത്. ഫെഡറർക്ക് മാത്രമായി കായിക ലോകത്തെ തന്നെ ഏറ്റവും മികച്ച പേഴ്‌സണലൈസ്ഡ് ലോഗോ എന്ന് വാഴ്ത്തുന്ന ‘RF’ ലോഗോയിലാണ് നൈക്ക് സ്പോർട്സ് ഉൽപ്പന്നങ്ങൾ പുറത്തിറക്കിയിരുന്നത്. ഈ ലോഗോ നൈക്കിന്റെ മാത്രം സ്വന്തവുമാണ്.
ഫെഡററെ ഗ്ലോബർ അംബാസിഡർ ആയി ലഭിച്ചതിൽ അതിയായ സന്തോഷമുണ്ടെന്നും അദ്ദേഹത്തോടുള്ള ബഹുമാനം സ്പോർട്സിന് അപ്പുറമാണെന്നും യൂണിക്ലോ ഫൗണ്ടറും ചെയർമാനുമായ തദാഷി യാനി പറഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial
