തിരിച്ചു വന്നു ജയിച്ചു മെദ്വദേവ് അവസാന പതിനാറിൽ, ക്വിറ്റോവയും മുന്നോട്ട്

വിംബിൾഡൺ അവസാന പതിനാറിലേക്ക് മുന്നേറി റഷ്യയുടെ മൂന്നാം സീഡ് ഡാനിൽ മെദ്വദേവ്. ഹംഗേറിയൻ താരം മാർട്ടൻ ഫുക്സോവിക്സിനെ ആദ്യ സെറ്റ് നഷ്ടമായ ശേഷം തിരിച്ചു വന്നാണ് മെദ്വദേവ് മത്സരത്തിൽ ജയം കണ്ടത്. ആദ്യ സെറ്റ് 6-4 നു നഷ്ടമായ റഷ്യൻ താരം തുടർന്നുള്ള സെറ്റുകൾ 6-3, 6-4, 6-4 എന്ന സ്കോറിന് ജയിച്ചു ആണ് അവസാന പതിനാറിൽ സ്ഥാനം ഉറപ്പിച്ചത്.

മത്സരത്തിൽ 6 ഏസുകൾ ഉതിർത്ത മെദ്വദേവ് 3 തവണ എതിരാളിയുടെ സർവീസ് ബ്രേക്ക് ചെയ്തു. വനിത സിംഗിൾസിൽ ഒമ്പതാം സീഡ് ചെക് താരം പെട്ര ക്വിറ്റോവ ക്രൊയേഷ്യൻ താരം നഥാലിയ കോസ്റ്റിചിനെ 6-3, 7-5 എന്ന സ്കോറിന് തകർത്തു അവസാന പതിനാറിൽ എത്തി. സൊരാന സിർസ്റ്റിയെ 6-2, 6-2 എന്ന സ്കോറിന് തകർത്തു 13 സീഡ് ബ്രസീലിന്റെ ബിയാട്രിസ് ഹദാദ് മയിയയും മികച്ച ജയത്തോടെ 21 അലക്സാൻഡ്രോവും അവസാന പതിനാറിൽ സ്ഥാനം ഉറപ്പിച്ചു.